გასული დღე-ღამის განმავლობაში, რუსმა ოკუპანტებმა უკრაინის 21 დასახლება დაბომბეს, რის შედეგადაც სულ მცირე ოთხი ადამიანი დაიღუპა, არიან დაშავებულებიც. ამის შესახებ ინფორმაციას  გაერთიანებული ძალების ჯგუფი ავრცელებს. 

"სლავიანსკის, სევეროდონეცკისა და რაიგოროდკას მტრის საჰაერო, სარაკეტო დარტყმებისა და საარტილერიო დაბომბვის შედეგად დაიღუპა ოთხი ადამიანი, დაშავდა სულ მცირე 10. ინფორმაცია მსხვერპლთა და დაღუპულთა შესახებ მუდმივად ახლდება", - ნათქვამია ანგარიშში.

მათივე ცნიბით, 31 მაისს, რუსეთის ჯარებმა დაბომბეს 21 დასახლება ლუგანსკის და დონეცკის რეგიონებში - სევეროდონეცკი, ბოროვსკოე, ლისიჩანსკი, პრივოლიე, ნოვოდრუჟესკი, ბელოგოროვკა, ზოლოტე, გორსკოე, კამიშევახა, ტოშკოვკა, ვრუბოვკა, უსტინოვკა, სიროტინო, ავდეევკა, სლავიანსკი, იაროვაია, ოჩერეტინო, რაიგოროდკა და შემენ კალინინგი. 

რუსმა სამხედრო დამნაშავეებმა გაანადგურეს და დააზიანეს 46 სამოქალაქო ობიექტი, მათ შორის: 40 მრავალსართულიანი და კერძო სახლი, სამხატვრო სკოლა (გორსკოე), საბავშვო ბაღი (სოფელი იაროვაია), პროლეტარიის ქარხნის შენობები (ლისიჩანსკი). ავდიივკაში პოლიციის განყოფილების შენობა დაზიანდა.

გასული დღის განმავლობაში, მაშველებმა საბრძოლო მოქმედებების ზონებიდან 13 907 ადამიანის ევაკუაცია მოახდინეს.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა