ხერსონის მარიონეტულმა რეჟიმმა ოლქებთან, რომლებსაც უკრაინა აკონტროლებს, ე.წ საზღვარი უსაფრთხოების მიზნით ჩაკეტა,- ამის შესახებ ინფორმაციას რუსული მედია ხერსონის ოლქის სამხედრო-სამოქალაქო ადმინისტრაციის უფროსის მოადგილის კირილ სტრემუსოვის განაცხადებაზე დაყრდნობით იუწყება.

მედიის ცნობით, უკრაინელი ბოევიკების სისტემატური დაბომბვის გათვალისწინებით, ახლა მიკოლაივის და დნეპროპეტროვსკის რეგიონებიდან საზღვრის გადაკვეთა ძალიან საშიშია.

„ახლა საზღვარი უსაფრთხოების მიზნით დაკეტილია. მიკოლაივის და დნეპროპეტროვსკის რეგიონებიდან საზღვრის გადაკვეთა ძალიან საშიშია უკრაინელი ბოევიკების სისტემატური დაბომბვის გათვალისწინებით. მათი მხრიდან ბოლო თავდასხმების შემდეგ ბუფერულ ზონაში მოხვედრილი მშვიდობიანი მოქალაქეები დაიღუპნენ. ამიტომ, უკრაინაში მოგზაურობას საერთოდ არ გირჩევთ, რაიმე საბაბით. ჩვენ ვიღებთ უამრავ განცხადებას იმის შესახებ, რომ ქრება კაცები, რომლებიც სასწრაფოდ მიჰყავთ იქ ჯარში ქვემეხის საკვებად“, - განაცხადა სტრემუსოვმა.

გარდა ამისა, სტრემუსოვმა ასევე განაცხადა, რომ ახლა უკვე შესაძლებელია ყირიმში, ასევე ზაპოროჟიეს რეგიონის განთავისუფლებულ ნაწილსა  და დონბასის სახალხო რესპუბლიკებში გამგზავრება.

შეგახსენებთ, რომ მანამდე სტრემუსოვმა განაცხადა, რომ ადგილობრივი ხელისუფლება რუსეთს რეგიონში სამხედრო ბაზის განთავსებას ითხოვდა.

24 თებერვლიდან რუსეთი აწარმოებს „სპეციალურ სამხედრო ოპერაციას“ უკრაინის დემილიტარიზაციისა და დენაციფიკაციის მიზნით. ვლადიმერ პუტინმა მის მიზანს უწოდა "ადამიანების დაცვა, რომლებიც რვა წლის განმავლობაში ექვემდებარებოდნენ ბულინგსა და გენოციდს კიევის რეჟიმის მიერ".

რუსეთის მტკიცებით, შეიარაღებული ძალები მხოლოდ სამხედრო ინფრასტრუქტურას და უკრაინულ ჯარებს ურტყამენ. ამასთან თავდაცვის დეპარტამენტში ოპერაციის მთავარ მიზანს დონბასის გათავისუფლება უწოდებენ.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა