რუსეთის პრეზიდენტმა ვლადიმერ პუტინმა ხელი მოაწერა განკარგულებას, რომლის მიხედვითაც, უკრაინის, ზაპოროჟიესა და ხერსონის ოლქების მცხოვრებთათვის რუსეთის მოქალაქეობის მისაღებად განაცხადის გამარტივებული პროცედურა იმოქმედებს.

დოკუმენტის მიხედვით, ცვლილებები შევიდა განკარგულებაში, რომლითაც ასეთი გამარტივებული პროცედურა მიენიჭა დონეცკისა და ლუგანსკის სახალხო რესპუბლიკების მცხოვრებლებს. 

„უკრაინის, დონეცკის სახალხო რესპუბლიკის ან ლუგანსკის სახალხო რესპუბლიკის მოქალაქეებს, რომლებიც მუდმივად ცხოვრობენ ლუგანსკის, დონეცკის, ზაპოროჟიეს ოლქის ან უკრაინის ხერსონის ოლქის ტერიტორიაზე, აქვთ უფლება მოითხოვოს რუსეთის ფედერაციის მოქალაქეობაზე მიღება გამარტივებული წესით 2002 წლის 31 მაისის №62-FZ ფედერალური კანონის მე-14 მუხლის მე-8 ნაწილის შესაბამისად „რუსეთის ფედერაციის მოქალაქეობის შესახებ“,- წერია დოკუმენტში.

გარდა ამისა, დადგენილებაში მითითებულია ასევე, რომ უცხოელებს აქვთ უფლება მოითხოვონ რუსეთის მოქალაქეობა გამარტივებული წესით ისეთი პირობების დაკმაყოფილების გარეშე, როგორიცაა რუსეთში ცხოვრების ხუთწლიანი ვადა, საარსებო წყარო და რუსული ენის ცოდნის ტესტი.

შეგახსენებთ, რომ რუსეთის მოქალაქეობის მიღების გამარტივებული პროცედურა დონეცკისა და ლუგანსკის სახალხო რესპუბლიკების მცხოვრებლებისთვის პუტინის 2019 წლის განკარგულებით შემოიღეს.

დოკუმენტში ნათქვამია, რომ მას ხელი მოეწერა „ადამიანის და მოქალაქის უფლებებისა და თავისუფლებების დასაცავად, საერთაშორისო სამართლის საყოველთაოდ აღიარებული პრინციპებითა და ნორმებით ხელმძღვანელობით" და კანონის „რუსეთის ფედერაციის მოქალაქეობის შესახებ" მუხლის შესაბამისად.

ახალი განკარგულება, რომელიც ეხება უკრაინის ზაპოროჟიესა და ხერსონის ოლქების მოსახლეობას, ხელი მოეწერა 25 მაისს და ძალაში შედის ამ დღიდან.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა