ბრიტანეთის მთავრობამ „ჩელსის“ საფეხბურთო კლუბის გაყიდვა დაამტკიცა და განაცხადა, რომ სანქცირებული რუსი მფლობელი რომან აბრამოვიჩი გაყიდვით ვერანაირ სარგებელს ვერ მიიღებს.

ბრიტანეთის კულტურის, მედიისა და სპორტის სახელმწიფო მდივანმა ნადინ დორისის განცხადებით, კლუბის გრძელვადიანი მომავალი მხოლოდ ახალი მფლობელის პირობებში იქნება უზრუნველყოფილი.

„იმ სანქციების გათვალისწინებით, რომლებიც ჩვენ დავუწესეთ პუტინთან დაკავშირებულ პირებს და უკრაინაში სისხლიანი შეჭრას, კლუბის გრძელვადიანი მომავალი მხოლოდ ახალი მფლობელის პირობებში იქნება უზრუნველყოფილი“,- წერს დორისი Twitter-ზე.

გარდა ამისა, დიდი ბრიტანეთის მთავრობის სპიკერმა განაცხადა, რომ ისინი „უზრუნველყოფენ გაყიდვიდან მიღებული თანხის გამოყენებას უკრაინაში ჰუმანიტარული მიზნებისთვის, ომის მსხვერპლთა მხარდასაჭერად.

ცნობისთვის, სამშაბათს, ინგლისის პრემიერ ლიგამ განაცხადა, რომ მისმა საბჭომ დაამტკიცა კლუბის გაყიდვა ჯგუფზე, რომელსაც ხელმძღვანელობს ამერიკელი ბიზნესმენი ტოდ ბოელი.

„ჩვენ ვისაუბრეთ შესაბამის საერთაშორისო პარტნიორებთან საჭირო ლიცენზიებისთვის და მადლობას ვუხდით მათ თანამშრომლობისთვის”,- განაცხადა სპიკერმა.

შეგახსენებთ, რომ „ჩელსის“ გაყიდვამ დაასრულა კლუბზე აბრამოვიჩის მფლობელობის თითქმის ორი ათწლეული. რუს ოლიგარქს ჰქონდა კავშირები კრემლთან და რუსეთის პრეზიდენტ ვლადიმერ პუტინთან. დიდმა ბრიტანეთმა სანქციები მას შემდეგ, დაუწესა რაც რუსეთმა 24 თებერვალს უკრაინაში შეჭრა დაიწყო.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს