ხერსონის ოლქი არ გეგმავს ცალკე დამოუკიდებელი რესპუბლიკა იყოს, მიზანია გახდეს რუსეთის რეგიონი,- აღნიშნულის შესახებ რუსულ სამთავრობო მედიას, რეგიონის სამხედრო-სამოქალაქო „ადმინისტრაციის“ უფროსის მოადგილემ კირილ სტრემუსოვმა განუცხადა.

სტრემუსოვის თქმით, რეგიონი არ იჩქარებს თვითგამორკვევის რეფერენდუმის ჩატარებას, ვინაიდან ყველა შედეგს დასავლური ქვეყნები მაინც არ აღიარებენ.

„ჩვენ არ ვგეგმავთ ვიყოთ ცალკე დამოუკიდებელი რესპუბლიკა. ჩვენი მთავარი ამოცანაა ვიყოთ სუბიექტი რუსეთის ფედერაციის ფარგლებში“, - განაცხადა სტრემუსოვმა.

მისი თქმით, ჯერ სრულად უნდა ჩამოაყალიბდეს მშვიდობიანი ცხოვრება, ძალაუფლების მთელი ვერტიკალი, მიღწეული იქნას გარკვეულ სტაბილურობა, მოწესრიგდეს სოციალური და ეკონომიკური სექტორი და გაეშვას შრომის ბაზარი.

„რუსეთის ფედერაციაში ინტეგრაცია ჩვენი გეგმის მიხედვით, წლის ბოლომდე უნდა დავასრულოთ. რუსეთის კანონმდებლობის ყველა სტანდარტზე გადასვლის შემდეგ მივიღებთ გადაწყვეტილებას რეფერენდუმის და ჩვენი სამომავლო სტატუსის შესახებ“, - დასძინა სტრემუსოვმა.

შეგახსენებთ, რომ  24 თებერვლიდან რუსეთი აწარმოებს „სპეციალურ სამხედრო ოპერაციას“ უკრაინის დემილიტარიზაციისა და დენაციფიკაციის მიზნით. ვლადიმერ პუტინმა მის მიზანს უწოდა "ადამიანების დაცვა, რომლებიც რვა წლის განმავლობაში ექვემდებარებოდნენ ბულინგსა და გენოციდს კიევის რეჟიმის მიერ".

რუსეთის მტკიცებით, შეიარაღებული ძალები მხოლოდ სამხედრო ინფრასტრუქტურას და უკრაინულ ჯარებს ურტყამენ. ამასთან თავდაცვის დეპარტამენტში ოპერაციის მთავარ მიზანს დონბასის გათავისუფლება უწოდებენ.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა