2022-05-23 16:33:14, 1576 ნახვა
მსოფლიო
გერმანიის ეკონომიკის მინისტრი - გავაფრთხილეთ უნგრეთი, არ დაბლოკოს რუსულ ნავთობზე ემბარგოს დაწესება
გავაფრთხილე უნგრეთი, არ დაბლოკოს მცდელობები, რათა დაწესდეს ევროკავშირის მასშტაბით ემბარგო რუსული ნავთობის იმპორტზე უკრაინაში ომის საპასუხოდ. - ამის შესახებ განაცხადა გერმანიის ეკონომიკის მინისტრმა რობერტ ჰაბეკმა.
მისივე თქმით, გერმანია მზადაა უნგრეთის გარეშე, ევროკავშირის სხვა წევრ ქვეყნებთან ერთად რუსულ ნავთობზე ემბარგოს დაწესებას მხარი დაუჭიროს.
"თუ ევროკავშირის პრეზიდენტი იტყვის, რომ 26 ევროკავშირის წევრი სახელმწიფო, უნგრეთის გარეშე, აპირებს, აირჩიოს ეს გზა და დააწესოს ემბარგო, მე მხარს დავუჭერ. თუმცა, ეს შემოთავაზება ევროკავშირისგან ჯერ არ ყოფილა". - განაცხადა გერმანიის ეკონომიკის მინისტრმა.
შეგახსენებთ, რომ ევროკავშირის 27 სახელმწიფოს შორის უნგრეთი რუსულ ნავთობზე ემბარგოს დაწესების წინააღმდეგია.
ავტორი: ექსპრესნიუსი,
epn.ge (@expressnews.ge)
