ევროკომისიამ ახალი 300 მილიარდი ევროს ღირებულების გეგმა წარადგინა, რომელიც რუსული ენერგიის იმპორტის აღმოსაფხვრას ითვალისწინებს.

ევროკომისიის განცხადებით, პროცესს დასჭირდება მოკლევადიანი ინვესტიციები წიაღისეული საწვავის ახალ ინფრასტრუქტურაში რუსული ნავთობისა და გაზის იმპორტის ჩანაცვლებისთვის.

„პუტინის ომი, როგორც ჩვენ ყველანი ვხედავთ, ძლიერ არღვევს გლობალურ ენერგეტიკულ ბაზარს,” - აღნიშნა ევროკომისიის პრეზიდენტმა ურსულა ფონ დერ ლაიენმა

გეგმას სამი ძირითადი ელემენტისგან შედგება: ენერგიის დაზოგვა, განახლებადი ენერგიის გაზრდა და ნავთობისა და გაზის ევროპული მიწოდების დივერსიფიკაცია, რომელიც მოიცავს ახალ წინადადებებს ევროკავშირის განახლებადი ენერგიის მიზნის 45%-მდე ამაღლების შესახებ 2030 წლისთვის.

„უფრო აქტუალურია, ვიდრე ოდესმე, ევროპა გახდეს საკუთარი ბედის ბატონ-პატრონი, გაზარდოს თავისი გამძლეობა და სუვერენიტეტი და განაგრძოს მსოფლიოს ლიდერობა კლიმატის კრიზისის წინაშე,” - თქვა ევროკავშირის კლიმატის ხელმძღვანელმა ფრანს ტიმერმანსმა.

გარდა ამისა, გეგმის მიხედვით, რუსული გაზის მოხმარება 2022 წლის ბოლოსთვის ორი მესამედით შემცირდება, რასაც მაღალჩინოსანის განცხადებით მოჰყვება დამოკიდებულების უფრო ეტაპობრივი, ხაზოვანი შემცირება განახლებადი ენერგიის სიმძლავრეების ასაშენებლად საჭირო დროის გამო.

„თუ თქვენ აირჩევთ ამ ხაზს, მხოლოდ არგუმენტის გულისთვის, თქვენ მიაღწევდით დამოუკიდებლობას, დაახლოებით 2026 ან 2027 წელს,” - დასძინა ოფიციალურმა წარმომადგენელმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს