ბრიტანეთმა რუსეთზე ეკონომიკურ ზეწოლის გაძლიერების მიზნით, სანქციები საავიაციო სექტორის წინააღმდეგ დააწესა. აღნიშნულის შესახებ ინფორმაციას ბრიტანეთის მთავრობა ავრცელებს.

მთავრობის განცხადებით, სიაში შედის სახელმწიფო საკუთრებაში არსებული აეროფლოტი, ასევე კომპანიები Ural Airlines და Rossiya.

გარდა ამისა, განცხადებაში აღნიშნულია, რომ ახლა რუსული ავიაკომპანიები ვერ გაყიდიან თავიანთ გამოუყენებელ ადგილებს დიდი ბრიტანეთის აეროპორტებში, რაც რუსეთს დაახლოებით 50 მილიონი ფუნტის შოვნის საშუალებას არ მისცემს.

„სანამ პუტინი განაგრძობს ბარბაროსულ თავდასხმას უკრაინაზე, ჩვენ გავაგრძელებთ თავდასხმას რუსეთის ეკონომიკაზე. ჩვენ უკვე დავკეტეთ ჩვენი საჰაერო სივრცე რუსეთის ავიახაზებისთვის. დღეს ჩვენ დავრწმუნდებით, რომ მათ არ შეუძლიათ განაღდონ თავიანთი ხელსაყრელი ადგილები ჩვენს აეროპორტებში. თითოეული ეკონომიკური სანქცია აძლიერებს ჩვენს მკაფიო გზავნილს პუტინისთვის - ჩვენ არ გავჩერდებით მანამ, სანამ უკრაინა არ გაიმარჯვებს“, - განაცხადა საგარეო საქმეთა მინისტრმა ლიზ ტრასმა.

შეგახსენებთ, რომ 24 თებერვალს, რუსეთის ფედერაცია დილით უკრაინაში შეიჭრა, რასაც „სპეციალური სამხედრო ოპერაცია" უწოდა. რის შემდეგაც დასავლეთის მთელმა რიგმა ქვეყნებმა, კერძოდ კი შეერთებულმა შტატებმა და ევროკავშირის წევრმა ქვეყნებმა გადაწყვიტეს უკრაინას, რუსეთის წინააღმდეგ ახალი სანქციების დააწესებითა და იარაღის მიწოდებით დახმარებოდნენ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს