მოქალაქეებს, რომლებიც გეგმავენ ევროპის ქვეყნებში თვითმფრინავით გამგზავრებას, 26 მაისიდან აეროპორტებში და ფრენების დროს პირბადის ტარება აღარ მოეთხოვებათ. ამის შესახებ ევროკავშირის საავიაციო უსაფრთხოების სააგენტოს (EASA) და დაავადებათა პრევენციისა და კონტროლის ევროპული ცენტრის (ECDC) მიერ გამოქვეყნებული განცხადებაშია ნათქვამი. 

EASA-ს აღმასრულებელმა დირექტორმა, პატრიკ კიმ აღნიშნული გადაწყვეტილება მიიჩნია, როგორც დიდი წინგადადგმული ნაბიჯი მგზავრებისა და ეკიპაჟების საჰაერო მგზავრობის ნორმალიზაციის საქმეში. თუმცა, მან ხაზგასმით აღნიშნა, რომ მგზავრები უნდა მოიქცნენ პასუხისმგებლობით და ასევე პატივი სცენ გარშემომყოფთა არჩევანს.

„შემდეგი კვირიდან ნიღბების ტარება ფრენისას სავალდებულო აღარ იქნება, რაც მთლიანობაში შეესაბამება ევროპის მასშტაბით ეროვნული ხელისუფლებების ცვალებად მოთხოვნებს საზოგადოებრივ ტრანსპორტთან დაკავშირებით“, - განაცხადა პატრიკ კიმ.

მანვე ხაზგასმით აღნიშნა, რომ მგზავრმა, რომელიც ახველებს და აცემინებს, უნდა ატაროს ნიღაბი ახლოს მჯდომთა დასამშვიდებლად.

”მიუხედავად იმისა, რომ რისკები რჩება, ჩვენ დავინახეთ, რომ არაფარმაცევტულმა ჩარევებმა და ვაქცინებმა საშუალება მისცა ჩვენს ცხოვრებას ნორმალურად დავუბრუნდეთ”, - დასძინა მან. 

ცნობისთვის, ბევრმა ევროპულმა ქვეყანამ გააუქმა კორონავირუსისა და მისი ახალი ვარიანტების გავრცელების გამო დაწესებული შეზღუდვების უმრავლესობა, რათა კიდევ უფრო ხელი შეუწყოს მოგზაურობის პროცესს და დაეხმაროს მოგზაურობისა და ტურიზმის სექტორს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს