გამოჩენილი სიმამაცისთვის უკრაინელ ხალხს ატლანიკურმა საბჭომ პრემია მიანიჭა. აღნიშნულის შესახებ ინფორმაციას ატლანტიკური საბჭო Twitter-ით ავრცელებს.

ცერემონიის მონაწილეებს ვიდეოკავშირით მიმართა უკრაინის პრეზიდენტმა ვოლოდიმირ ზელენსკიმ, რომელმაც უკრაინელი ხალხის სახელით ატლანტიკურ საბჭოს მადლობა გადაუხადა და განაცხადა, რომ დღეს, როდესაც მთელი მსოფლიო უკრაინელების გმირობას ხედავს, უნდა ახსოვდეთ ისც, რომ ამ სიმამაცის უკან ათასობით რეალური ისტორია, სახელი და გმირი დგას.

ვიდეომიმართვაში ზელესნკიმ, კონკრეტული სამხედროების, ექიმებისა და  ბავშვების გმირობის მაგალითზე ისაუბრა. მათ შორის იყო 7 წლის ვარია, რომელიც ფულს ტელეფონისთვის აგროვებდა, მაგრამ  სამხედროებს ბრონიჟილეტების საყიდლად მისცა. 15 წლის გოგონა ლუგანსკიდან, რომელიც ოკუპანტებმა ფეხში დაჭრეს, თუმცა მაინც შეძლო ავტომობილის მართა და 4 დაჭრილი ადამიანის უსაფრთხო ადგილას გაყვანა.

„არ შეგეშინდეთ, ჩამოდით უკრაინაში და ათასობით ასეთი ისტორიის მოისმენას შეძლებთ უკრაინელებზე. ჩახედეთ მათ თვალებში, ჩამოართვით ხელი და ნახავთ, რომ ამ ყველაფერს ჯილდოს გამო არ აკეთებენ. დაინახავთ, რომ მათ არა მხოლოდ ჯილდოები, არამედ დახმარება - იარაღით, ტექნიკით, ფინანსებითა და სანქციებით რუსეთის წინააღმდეგ სჭირდებათ“, - აღნიშნა ზელენსკიმ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს