ლიტვის საგარეო საქმეთა მინისტრმა, გაბრიელიუს ლანდსბერგისმა განაცხადა, რომ რუსეთის პრეზიდენტის ვლადიმერ პუტინის თანამდებობიდან გადაყენება ერთადერთი გზაა დასავლეთისა და მისი მოკავშირეების მომავალი საფრთხისგან დასაცავად. 

Associated Press-თან ინტერვიუში ლანდსბერგისმა თქვა, რომ პუტინის გამოსვლა გამარჯვების დღისადმი იყო „დამაჯერებელი“ და რომ გენერლებისა და სხვების „პირქუში სახეები“ უკრაინის ომში წარუმატებლობის ნიშნებია. თუმცა, მან თქვა, რომ დაჭრილი პუტინი შეიძლება კიდევ უფრო საშიში იყოს და რომ საფრთხის მოხსნის ერთადერთი გზა მისი მოცილებაა.

„ჩვენი გადმოსახედიდან, სანამ დღევანდელი რეჟიმი არ იქნება ხელისუფლებაში, მის გარშემო მყოფ ქვეყნებს გარკვეულწილად საფრთხე ემუქრება. არა მხოლოდ პუტინი, არამედ მთელი რეჟიმი, რადგან, მოგეხსენებათ, ერთმა შეიძლება შეცვალოს პუტინი და შეიძლება შეცვალოს მისი ახლო წრე, მაგრამ სხვა პუტინი შეიძლება დადგეს მის ადგილზე. ასე რომ, სანამ რეჟიმი, რომელიც აპირებს ომების წარმოებას რუსეთის ტერიტორიის გარეთ, არსებობს, მის გარშემო მყოფ ქვეყნებს საფრთხე ემუქრებათ. და თუ ერთი რამ დაუმტკიცდა მათ, ვისაც ამაში ეჭვი ეპარებოდა 2008 წლის შემდეგ საქართველოში, 2014 წელს, როდესაც უკრაინაში პირველი ომი დაიწყო, ეს არის ის, რომ რუსეთი აგრესიული ქვეყანაა. ეს ძალიან ნათელია”, - განაცხადა ლიტვის საგარეო საქმეთა მინისტრმა. 

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს