შვედეთმა და ფინეთმა არ უნდა გადადონ ნატოში გაწევრიანება, ეს ქვეყნები უნდა შეუერთდნენ ალიანსს, სანამ პუტინი ომშია უკრაინასთან, - ეს აზრი გაეროს ყოფილმა გენერალურმა მდივანმა ანდერს ფოგ რასმუსენმა CNBS-სთვის მიცემულ კომენტარში გამოთქვა.

მისი თქმით, ახლა ოკუპანტი ქვეყნის ლიდერი ვერ შეუშლის ხელს ამ გადაწყვეტილებას, ვინაიდან უკრაინასთან ომშია ჩართული. 

"რაც შეეხება ფინეთს და შვედეთს, ვფიქრობ, რომ [ამ ორ] ქვეყანას აქვს [ნატოს] გაწევრიანების შესაძლებლობა ახლავე, რადგან პუტინი სხვაგან არის დაკავებული. მას არაფერი შეუძლია ამის გაკეთება", - თქვა რასმუსენმა.

ყოფილმა გენერალურმა მდივანმა ასევე დასძინა, რომ შვედეთისა და ფინეთის გაწევრიანება გადაუდებელი პროცედურა იქნება, მაგრამ ასეთ პირობებშიც კი, პროცესს რამდენიმე თვე დასჭირდება. 

„ამას რამდენიმე თვე დასჭირდება, ამ დროის განმავლობაში როგორც ფინეთი, ისე შვედეთი შესაძლოა აღმოჩნდნენ რუსეთის დაშინების ან თუნდაც მუქარის წინაშე და ჩვენ უნდა უზრუნველვყოთ მათი უსაფრთხოება ისე, თითქოს ისინი უკვე ნატოს წევრები იყვნენ“, - თქვა რასმუსენმა.

გადაწყვეტილება ნატოში რატიფიცირებამდე 30 პარლამენტმა უნდა გაიაროს.

The Times-ის ცნობით , ორივე ქვეყანა აპირებს ალიანსს მომავალ ზაფხულს შეუერთდეს.
ნატო და განსაკუთრებით შეერთებული შტატები მზადაა უზრუნველყოს უსაფრთხოების გარანტიები ფინეთისთვის და შვედეთისთვის ალიანსში გაწევრიანებამდე.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს