2022-05-06 11:49:40, 1222 ნახვა
მსოფლიო
გერმანიის კანცლერი - მტკიცედ გვაქვს გადაწყვეტილი, პუტინმა ეს ომი არ და ვერ უნდა მოიგოს
გერმანია უკრაინას დამატებით 130 მილიონი დოლარის ჰუმანიტარულ დახმარებას გამოუყოფს. ამის შესახებ გერმანიის კანცლერმა ოლაფ შოლცმა ვარშავაში გამართულ დონორთა კონფერენციაზე სიტყვით გამოსვლისას განაცხადა.
კანცლერის თქმით, გამოყოფილი რესურსები დაეხმარება უკრაინის წინააღმდეგობის გაძლიერებას რუსეთის თავდასხმების მიმართ.
”ყოველი გასული დღე რუსეთის მიერ უკრაინაში შეჭრის შემდეგ, რუსი ჯარისკაცების მიერ ჩადენილი ყოველი სისასტიკე, ჩვენს გადაწყვეტილებას და ჩვენს ერთიანობას მხოლოდ აძლიერებს. ჩვენ მტკიცედ გვაქვს გადაწყვეტილი, პუტინმა ეს ომი არ უნდა მოიგოს და ის ვერ მოიგებს მას "- განაცხადა გერმანიის კანცლერმა.
შოლცის თქმით, დამატებით 147 მილიონი დოლარი გამოიყოფა უკრაინის განვითარებისა და აღდგენის დაფინანსებისთვის.
ავტორი: ექსპრესნიუსი,
epn.ge (@expressnews.ge)
