ავსტრიამ უკრაინას ჰუმანიტარული დახმარებისთვის 42 მილიონი ევროს გამოყოფს. ამის შესახებ ინფორმაციას ავსტრიის საგარეო საქმეთა სამინისტრო ავრცელებს. 

უწყების განცხადებით, გამოყოფილი თანხიდან 41,96 მილიონი უკრაინის მხარდასაჭერად არის, ხოლო დანარჩენი - მსოფლიო სასურსათო პროგრამას ახლო აღმოსავლეთისა და აფრიკის რამდენიმე ქვეყნის დასახმარებლად. 

"მთავრობამ მიიღო გადაწყვეტილება, გამოყოს 45,96 მილიონი ევრო საგანგებო სიტუაციების სპეციალური ფონდიდან (AKF), რაც მისგან ოდესმე გამოყოფილი ყველაზე დიდი თანხაა. ლომის წილი - 41,96 მილიონი - უკრაინის მხარდასაჭერად არის გამოყოფილი, დანარჩენი - მსოფლიო სასურსათო პროგრამას ახლო აღმოსავლეთისა და აფრიკის რამდენიმე ქვეყნის მხარდასაჭერად. წელს ჰუმანიტარული დახმარების ანაზღაურება პირველად 100 მილიონ ევროს გადააჭარბებს“, - თქვა კანცლერმა კარლ ნეჰამერმა.

უკრაინისთვის თანხიდან სულ მცირე 15 მილიონი ევრო იგეგმება ქალებისა და ბავშვების ჰუმანიტარული დახმარებისთვის, 5 მილიონი - ორგანიზაციებისთვის, რომლებიც ეხმარებიან უკრაინელების მიღებას მოლდოვაში.

ცნობისთვის, ფართომასშტაბიანი ომის დაწყების შემდეგ, ავსტრიამ ფონდიდან 17,5 მილიონი ევრო გამოყო და უკრაინას გადასცა სამაშველო სამსახურის მანქანები, დამცავი აღჭურვილობა და საწვავი.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს