დიდმა ბრიტანეთმა უკრაინისა და მის საზღვრებში მყოფი მოწყვლადი ჯგუფების დასახმარებლად ახალი პაკეტი გამოაცხადა. აღნიშნულის შესახებ ინფრომაციას BBC ავრცელებს.

ბრიტანეთის საგარეო საქმეთა მინისტრმა ლიზ ტრასის განცხადებით, 45 მილიონი ფუნტი (57 მილიონი აშშ დოლარი) აღნიშნული პაკეტი გაეროს სააგენტოებსა და საქველმოქმედო ორგანიზაციებს გადაეცემა, რომლებიც  ძალადობისა და ზიანის მიყენების ყველაზე დაუცველთა დასახმარებლად მუშაობენ.

„ბრიტანული დახმარება უკრაინაში ყველაზე დაუცველებს უჭერს მხარს, განსაკუთრებით ქალებსა და ბავშვებს, რომლებიც სექსუალური ძალადობისა და ექსპლუატაციის გაზრდილი რისკის წინაშე დგანან“, - განაცხადა ტრასმა.

გარდა ამისა, ოფიციალური პირები აღნიშნავენ, რომ თანხები შემდეგნაირად გადანაწილდება:

• 15 მილიონი ფუნტი გაეროს უკრაინის ჰუმანიტარულ ფონდს (UHF) გადაეცემა.
• 15 მილიონი ფუნტი გადაეცემა გაეროს ბავშვთა სააგენტოს UNICEF-ს.
• 10 მილიონი ფუნტი დააფინანსებს ჰუმანიტარულ ორგანიზაციებს ზღვისპირა ქვეყნებში, რათა დაიცვან იქ მყოფი ქალები და ბავშვები.
• 5 მილიონი ფუნტი უკრაინის წითელი ჯვრის საერთაშორისო ფედერაციას გადაერიცხება.
• ხოლო, დამატებით 20 მილიონი ფუნტი გამოყოფილი იქნება პოლონეთში მყოფ უკრაინელ ლტოლვილთა ჰუმანიტარული დახმარებისთვის.

შეგახსენებთ, რომ 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი მოქმედებების დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსეთის სამხედრო ძალებმა უკრაინაზე სხვადასხვა მიმართულებიდან დაიწყეს შეტევა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს