„თიბისი“ აგრძელებს უკრაინის მხარდაჭერას სხვადასხვა მიმართულებით. ამჯერად, უკრაინელი ხალხის დასახმარებლად გახსნილ საქველმოქმედო ანგარიშზე შეგროვილ თანხას „თიბისი“ საქართველოში ჩამოსული უკრაინელების მხარდაჭერისაკენ მიმართავს. დღეიდან, ფონდის ანგარიშზე მოქალაქეებისა და კომპანიების მიერ ჩარიცხული თანხა საქართველოში მყოფი უკრაინელი ხალხის ფინანსურ, ფსიქოლოგიურ, ლოგისტიკურ და სხვა სახის გადაუდებელ საჭიროებებს მოხმარდება.

თითოეული მოქალაქის და ორგანიზაციის მიერ „თიბისის“ საქველმოქმედო ანგარიშზე  განხორციელებული დონაცია ეტაპობრივად გადაირიცხება საქართველოში მოქმედი იმ ორგანიზაციების ანგარიშებზე, რომლებიც ორგანიზაციის პროფილიდან გამომდინარე, უკრაინელი ხალხის დახმარებას და მათი სხვადასხვა საჭიროებით უზრუნველყოფას  ყველაზე ეფექტიანად შეძლებენ.

უკრაინელების მხარდასაჭერად, „თიბისიმ“ საქველმოქმედო ანგარიში უკრაინაში საომარი მოქმედებების დაწყებისთანავე გახსნა და ნებისმიერ მსურველს შესაძლებლობა მისცა, მისთვის სასურველი თანხა უკრაინელი ხალხის დასახმარებლად ჩაერიცხა და გამხდარიყო ქველმოქმედების მონაწილე. გუნდის სახელით, „თიბისიმ“ ფონდში 200 000 ლარი ჩარიცხა.  ინიციატივას  არაერთი მოქალაქე და კომპანია შემოუერთდა. ერთობლივი ძალისხმევით, უკრაინის დასახმარებლად 1.7 მილიონ ლარზე მეტი შეგროვდა. თანხა სრულად გადაირიცხა უკრაინის ეროვნული ბანკის ოფიციალურ საქველმოქმედო ანგარიშზე.

ავტორი: NS (სტატია დაფინანსებულია),

სოციალური ქსელები

2026 წლის მსოფლიო ჩემპიონატის სკანდალი: როგორ გააუქმა ტრამპმა წითელი ბარათი

Financial Times: აშშ უკრაინას რუსეთის ნავთობობიექტებზე თავდასხმებში ეხმარება

გერმანიის სამხედრო ხარჯები ცივი ომის შემდეგ უნახავ დონეს მიაღწევს

„როსატომმა“ კურსკის ატომურ ელექტროსადგურზე დრონებით თავდასხმის შესახებ განაცხადა