სოფელ ნიგოზას, ჩობალაურის, ზემო რენეს და ქვემო რენეს ავტობანთან დამაკავშირებელი გზის რეაბილიტაციის სამუშაოები დასრულდა

2022-04-26 15:59:05, 4388 ნახვა

საზოგადოება

კასპის მუნიციპალიტეტის კოდისწყაროს ადმინისტრაციულ ერთეულში შემავალი ნიგოზას, ჩობალაურის ზემო რენეს და ქვემო რენეს ადგილობრივი მნიშვნელობის თბილისი სენაკი - ლესელიძის ავტობანთან დამაკვშირებელი გზის რეაბილიტაციის სამუშაოები დასრულდა. - ამის შესახებ ინფორმაციას კასპის მუნიცაპილიტეტი ავრცელებს.
მათივე თქმით, პროექტი ელექტრონულ ტენდერში გამარჯვებულმა კომპანიამ - შპს „იბოლიამ“ განახორციელა, რომლის ღირებულებაც 1 336 200 ლარია. სამუშაოები რეგიონებში განსახორციელებელი პროექტების ფონდის ფინანსური მხარდაჭერითა და ადგილობრივი ბიუჯეტის თანადაფინანსებით განხორციელდა.
კასპის მუნიციპალიტეტის მერის ვახტანგ მაისურაძის თქმით, აღნიშნულ სოფლებს ამბულატორია, საჯარო სკოლა, საბავშვო ბაღი და ადმინისტრაციული შენობა ემსახურებათ, შესაბამისად ახლად რეაბილიტირებული საგზაო ინფრასტრუქტურა მოსახლეობასა და სატრანსპორტო საშუალებებს როგორც შიდა, ისე სხვა დანიშულების ადგილამდე კომფორტულ და უსაფრთხო გადაადგილების საშუალებას მისცემს.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),