დიდი ოცეულის ეკონომიკის ჯგუფი ვერ იფუნქციონირებს მანამ, სანამ რუსეთი მისი წევრი იქნება, - განაცხადა კანადის ფინანსთა მინისტრმა კრისტია ფრილანდმა ვაშინგტონში საერთაშორისო სავალუტო ფონდისა და მსოფლიო ბანკის შეხვედრაზე.

„დიდ ოცეულს არ შეუძლია ეფექტურად ფუნქციონირება რუსეთთან ერთად,“- განაცხადა ფრილანდმა.

გარდა ამისა, დაძაბულობამ კითხვის ნიშნის ქვეშ დააყენა G20-ის ეფექტურობა, რომელიც მოიცავს დასავლეთის ქვეყნებს, რომლებმაც მოსკოვი დაადანაშაულეს უკრაინაში ომის წამოწყებასა და ჩადენილ დანაშაულებებში.

„რუსეთს არ აქვს ადგილი იმ ქვეყნების მაგიდასთან, რომლებიც გაერთიანდნენ გლობალური ეკონომიკური კეთილდღეობის შესანარჩუნებლად“, -აღნიშნა ფრილანდმა და ხაზი გაუსვა, რომ რუსეთმა საერთაშორისო წესები სამხრეთ უკრაინაში შეჭრით დაარღვია. „არ შეიძლება ერთდროულად იყო ბრაკონიერიც და მცველიც,“ - დასძინა კანადის ფინანსთა მინისტრმა.

ამასთან ერთდ, შეხვედრებზე რუსეთის ყოფნის გამო უთანხმოება გამოიკვეთა მთელი კვირის განმავლობაში. აშშ-ს, კანადის, ბრიტანეთის და სხვა დასავლეთის ქვეყნების ოფიციალურმა პირებმა რუსეთის გამოსვლების დროს დარბაზი ზედიზედ სამჯერ დემონსტრაციულად დატოვეს. თუმცა წლევანდელი G20-ის მასპინძელი ქვეყანა ინდონეზია კვლავ ოპტიმისტურადაა განწყობილი და აცხადებს, რომ მიუხედავად დაძაბულობისა პროგრესის რიგ საკითხებში მიღწევა მაინც შესაძლებელია, მიუხედავად იმისა, რომ ზოგიერთი დასავლეთის ქვეყანა, განსაკუთრებით კი - ჩინეთი თვლის, რომ რუსეთს გლობალურ შეხვედრებზე დასწრების უფლება უნდა ჩამოერთვას.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს