2022-04-22 18:50:30, 1402 ნახვა
მსოფლიო
რუს ოპოზიციონერ კარა-მურზას პატიმრობა ემუქრება
რუს ოპოზიციონერს ვლადიმირ კარა-მურზას პატიმრობა ემუქრება. - ამის შესახებ ინფორმაციას ოპოზიციონერის ადვოკატი ვადიმ პროხოროვი ავრცელებს.
მისივე თქმით, რუს ოპოზიციონერს 15 წლით თავისუფლების აღკვეთა უსამართლოდ ემუქრება.
"ვლადიმირ კარა-მურზა ახლა რუსეთის საგამოძიებო კომიტეტის მთავარ საგამოძიებო განყოფილებაში იმყოფება. სისხლის სამართლის საქმე აღიძრა სისხლის სამართლის კოდექსის 207.3 მუხლით, რაც რუსეთის შეიარაღებული ძალების შესახებ ცრუ ინფორმაციის განზრახ, საჯაროდ გავრცელებას გულისხმობს." - თქვა ადვოკატმა.
შეგახსენებთ, რომ კარა-მურზა რუსი ოპოზიციონერია და ის აქტიურად იბრძვის რუსეთში პუტინის რეჟიმის ცვლილებებისთვის .
ავტორი: ექსპრესნიუსი,
epn.ge (@expressnews.ge)
