რუსეთის პრეზიდენტი, ვლადიმერ პუტინი ისრაელისგან იერუსალიმში მდებარე ეკლესიაზე კონტროლის გადაცემას ითხოვს. ამის შესახებ მან ისრაელის პრემიერმინისტრს, ნაფთალი ბენეტს წერილით მიმართა.

ოკუპანტი ქვეყნის ლიდერი ითხოვს იერუსალიმში მდებარე ალექსანდრეს მამულზე, კერძოდ კი ამ ტერიტორიაზე მდებარარე წმ. ალექსანდრე ნევსკის ეკლესიაზე კონტროლის რუსეთისთვის გადაცემას.

როგორც ისრაელის მედია წერს, უკრაინაში მიმდინარე ომის პარალელურად, ტაძრის მფლობელობის რუსეთისთვის გადაცემამ, შესაძლოა, რომ ისრაელისთვის დასავლეთთან დიპლომატიური ხასიათის სირთულეები გამოიწვიოს.

კრემლის სპიკერის, დიმიტრი პესკოვის თქმით, რუსეთს იმედი აქვს, რომ ალექსანდრეს მამულის მფლობელობის საკითხი მალე გადაიჭრება.

„მხოლოდ იმის თქმა შემიძლია, რომ ალექსანდრეს მამულის საკითხი დიდი ხანი იყო რუსეთ-ისრაელის ურთიერთობების დღის წესრიგის მთავარ წესრიგში. ჩვენ ველით, რომ ისრაელის ხელმძღვანელობა ყველა საჭირო ქმედებას განახორციელებს, რათა დასრულდეს ამ სიტუაციის აუცილებელი ფორმალიზაცია“, - აღნიშნა პესკოვმა.

იერუსალიმის ეს ტაძარი უკვე დიდი ხანია წარმოადგენდა დავის საგანს მართლმადიდებლურ ეკლესიებს შორის. საბოლოოდ, იერუსალიმის რაიონული სასამართლოს მოსამართლემ, მორდეხაი ქადურიმ ალექსანდრეს მამულის რუსეთის ფედერაციის მფლობელობაში გადასვლის პროცესი შეაჩერა და საკითხს დიპლომატიური ხასიათი მიანიჭა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს