ამერიკის შეერთებული შტატების ოფიციალურ პირებს შიდა წინასწარი დისკუსია ჰქონდათ ადმინისტრაციის მაღალი რანგის წარმომადგენლის უკრაინაში გაგზავნის შესახებ. ინფორმაციას CNN მოლაპარაკებებში ჩართულ წყაროზე დაყრდნობით ავრცელებს. 

როგორც გამოცემა წერს, ჯერ კიდევ  არ არის დაზუსტებული, რომელი მაღალი რანგის წარმომადგენელი ჩავა კიევში, თუმცა აშშ-ის პრეზიდენტის, ჯო ბაიდენის და ვიცე-პრეზიდენტის, კამილა ჰარისის ვიზიტი ნაკლებად სავარაუდოა. 

ამასთანავე, CNN იტყობინება, რომ განიხილება უკრაინაში თავდაცვის მინისტრის ლოიდ ოსტინის ან სახელმწიფო მდივნის, ენტონი ბლინკენის გამგზავრება, თუმცა გადაწყვეტილება ჯერ საბოლოოდ მიღებული არ არის. 

ცნობისთვის, დიდი ბრიტანეთის პრემიერ-მინისტრი, ბორის ჯონსონი გასულ კვირას უკრაინის დედაქალაქს მოულოდნელად ეწვია. მან გამართა შეხვედრა პრეზიდენტ ვოლოდიმირ ზელენსკისთან. მოგვიანებით, აშშ-ში განაცხადეს, რომ პრეზიდენტი ჯო ბაიდენი ამჟამად უკრაინაში ვიზიტს არ გეგმავს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს