შუახევის მუნიციპალიტეტის მერიაში, წყლის რესურსების დაცვის მსოფლიო დღე აღინიშნა. ამ დღის მიზანია, მსოფლიო საზოგადოებას კიდევ ერთხელ შეახსენოს, როგორი მნიშვნელობა აქვს წყლის რესურსების მოფრთხილებას და მის დაცვას.

ღონისძიებას, შუახევის მუნიციპალიტეტის მერი, ომარ ტაკიძე, საკრებულოს თავმჯდომარე, როსტომ ლორთქიფანიძე, ადგილობრივი ხელისუფლებისა და აჭარის წყლის ალიანსის წარმომადგენლები ესწრებოდნენ.

შუახევის მუნიციპალიტეტის მერის პირველმა მოადგილე მირიან აბაშიძემ, წარმოადგინა ანგარიში, სადაც ისაუბრა წყალმომარაგების ინფრასტრუქტურის სისტემაში განხორციელებულ, მიმდინარე და დაგეგმილ პროექტებსა და არსებულ გამოწვევებზე.

გასულ წელს, პანდემიის მიუხედავად წყალმომარაგების ინფრასტრუქტურის განვითარების კუთხით განხორციელდა 550 000 ლარის 20-ზე მეტი პროექტი.

მიმდინარე წელს, სასმელი წყლის და წყალარინების სისტემების გაუმჯობესების მიზნით, 750 000 ლარის ღირებულების 10 ზე მეტი პროექტის განხორციელებაა დაგეგმილი, მათ შორის საზაფხულო იალაღებზე. პროექტების დასრულების შედეგად 1000-ზე ოჯახი ისარგებლებს ახალი წყალმომარაგებით.

აჭარის დაბებისა და სოფლების წყალმომარაგებისა და წყალარინების პროგრამის ფარგლებში განსახორციელებელ პროექტებზე ისაუბრა, აჭარის წყლის ალიანსის გენერალურმა დირექტორმა, თეიმურაზ ბედინაძემ.

მუნიციპალიტეტის მერიის თანამშრომლობით, აჭარის წყლის ალიანსი, აჭარის დაბებისა და სოფლების წყალმომარაგებისა და წყალარინების პროგრამის ფარგლებში, შუახევის მუნიციპალიტეტში სარეაბილიტაციო სამუშაოებს 16 სოფელში განახორციელებს. შესრულდება 26 884 557 ლარის ღირებულების სამუშაოები.

ავტორი: NS (სტატია დაფინანსებულია),

სოციალური ქსელები

ზურაბიშვილი: ელენე ხოშტარიას, სასწრაფო სასიცოცხლოდ მნიშვნელოვანი სამედიცინო დახმარება სჭირდება

ბოკუჩავა: რა თქმა უნდა, ვრჩები ნაციონალურ მოძრაობაში, ვიბრძოლებ ბოლომდე!

გვარამიას თქმით, მოსამართლემ არ დააკმაყოფილა ხოშტარიას მდგომარეობის შესწავლის შუამდგომლობა

ზელენსკი: თუ უკრაინა იწვის, თქვენი მოსკოვიც დაიწვება - დადგა დრო, დასრულდეს ეს აგრესია