შეერთებული შტატები რუსეთის ცენტრალურ ბანკზე სანქციებს აფართოებს, რითიც ყველა აქტივი, რომელსაც აშშ-ში ფლობს ბანკს ეყინება. ამასთანავე, ამერიკელებს რუსეთთან რაიმე სახის ტრანზაქციებში ჩართვის უფლება ებლოკებათ.

დღევანდელ განცხადებაში აშშ-ის ხაზინის დეპარტამენტმა განაცხადა, რომ გადაწყვეტილება შეეხება რუსეთის ფედერაციის ცენტრალურ ბანკს, რუსეთის ნაციონალურ სიმდიდრის ფონდს, რომელსაც ვლადიმერ პუტინის ახლო მოკავშირე მართავს. ამის შესახებ ინფორმაციას The Guardian იუწყება.

„უპრეცედენტო ქმედება, რომელსაც დღეს ვახორციელებთ, მნიშვნელოვნად შეზღუდავს რუსეთის უნარს გამოიყენოს აქტივები მისი დესტაბილიზაციის დასაფინანსებლად და მიზანში იღებს იმ სახსრებს, რომლებზედაც პუტინი და მისი ახლო წრეა დამოკიდებული უკრაინაში მისი შეჭრის გასააქტიურებლად. დღეს, პარტნიორებთან და მოკავშირეებთან კოორდინაციით, ჩვენ ვასრულებთ ძირითად ვალდებულებებს, რომ შევზღუდოთ რუსეთის წვდომა ამ ღირებულ რესურსებზე“, - განაცხადა აშშ-ს ხაზინის მინისტრმა, ჯანეტ იელენმა.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს