ჯანდაცვის მინისტრის მოადგილემ, თამარ გაბუნიამ საკოორდინაციო საბჭოს დასრულების შემდეგ, ბრიფინგზე განმარტა, რამდენ დღემდე შესაძლოა შემცირდეს იზოლაციის ვადა კოვიდინფიცირებული უსიმპტომო პირებისთვის.

როგორც გაბუნიამ აღნიშნა, იზოლაციის ვადა შესაძლოა შემცირდეს იმ დათქმით, რომ პირმა მე-5 დღეს, კოვიდ ტესტის უარყოფითი პასუხის შემთხვევაში, ბიზნეს აქტივობა გააგრძელოს.

„ჯერჯერობით იზოლაციის ვადა უსიმპტომო პირებისთვის კვლავაც რჩება რვა დღე, თუმცა მიმდინარე კვირის განმავლობაში ჩვენ დამატებით ვიმსჯელებთ, სხვა ქვეყნების ვალდებულება არსებობს, სადაც იზოლაციის ვადა იმ დათქმით, რომ მე-5 დღეს ჩატარდება ტესტი და უარყოფითი პასუხის შემთხვევაში, პირმა გააგრძელოს ჩვეული ბიზნეს აქტივობა, რა თქმა უნდა, პირბადის გამოყენებით, ეს მოდელები სხვადასხვა ქვეყანაში მოქმედებს. აქცენტი მეტად კეთდება იმ პროფესიებზე, ვისი დატვირთვაც და სამსახურში დროულად დაბრუნება, მნიშვნელოვანია. ამ კვირაში დამატებითი მსჯელობა იქნება და თუკი ექსპერტები მხარს დაუჭერენ, რა თქმა უნდა, ამასთან დაკავშირებით განცხადებასაც გავაკეთებთ“, - განაცხადა თამარ გაბუნია.

ავტორი: ექსპრესნიუსი,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა