2021-12-21 21:33:14, 942 ნახვა
პოლიტიკა
„ნაციონალური მოძრაობის“ ოფისთან, მოშიმშილეთათვის კარვები დადგეს
მას შემდეგ, რაც დღევანდელ საპროტესტო აქციაზე, ნიკა მელიამ „ერთიანი ნაციონალური მოძრაობის“ წევრების მხრიდან მასობრივი შიმშილობის დაწყების შესახებ განაცხადა, „ნაციონალური მოძრაობის“ ცენტრალურ ოფისთან, კარვების გაშლა დაიწყეს.
ჯერჯერობით უცნობია, კონკრეტულად ვინ მიმართავს საქართველოს მესამე პრეზიდენტის, მიხეილ სააკაშვილის განთავისუფლების მოთხოვნის ნიშნად დაწყებული პროტესტის ამ მეთოდს.
უკანასკნელი ცნობით, ამ დროისთვის, „ერთიანი ნაციონალური მოძრაობის“ წევრები და მათი მხარდამჭერები, პარტიის ცენტრალურ ოფისთან იკრიბებიან.
ავტორი: ექსპრესნიუსი,
epn.ge (@expressnews.ge)
