ეროვნული  სატყეო სააგენტო, ქვეყნის მასშტაბით ინვენტარიზაციის სამუშაოებს აგრძელებს.

გარემოს დაცვისა და სოფლის მეურნეობის სამინისტროს ინფორმაციით, ამბროლაურის სატყეო უბანზე  სამუშაოები 81 000 ჰა ფართობზე მიმდინარეობს და  2022 წელს დასრულდება.

უწყების ცნობით, ტყის ინვენტარიზაცია ტყის მდგრადი მართვისა და ყველა სახის სატყეო სამეურნეო ღონისძიების დაგეგმვის საფუძველს წარმოადგენს და მისი სარევიზიო პერიოდი 10 წელია. აღსანიშნავია, რომ საქართველოში ტყის ინვენტარიზაცია  90 -ნი წლების შემდეგ არ განხორციელებულა. პროცესის აღდგენა ეროვნულმა სატყეო სააგენტომ 2013 წლიდან დაიწყო. დღეისათვის, ტყეების რაოდენობრივი და ხარისხობრივი მაჩვენებლების შესახებ განახლებულია ინფორმაცია სააგენტოს მართვას დაქვემდებარებული 361 433  ჰა ფართობისთვის და მომზადებულია ტყის მართვის გეგმები მომავალი 10 წლიანი პერიოდისთვის.

ტყის ინვენტარიზაციის საველე სამუშაოებს და ტყის მართვის გეგმების შემუშავებას მეტყევე სპეციალისტები, ე.წ. ტაქსატორები ახორციელებენ. უკვე მრავალი წელია, საქართველოში ტაქსატორების დეფიციტია.  სწორედ ამიტომ, 2019 წელს, გარემოს დაცვისა და სოფლის მეურნეობის სამინისტროს სატყეო სააგენტოს ინიციატივით, სპეციალური სტაჟირების პროგრამა ამოქმედდა. პროგრამის ფარგლებში, 2019-2021 წლებში, გადამზადდა სატყეო განათლების მქონე 45 ახალგაზრდა, რომლებიც  ტყის ინვენტარიზაციის სამუშაოებზე დასაქმდნენ.

ავტორი: NS (სტატია დაფინანსებულია),

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება