2021-11-12 12:41:27, 796 ნახვა
პოლიტიკა
ზურაბ ჯაფარიძე, რომელიც სუს–ის შენობასთან აქცია–პერფორმანსს მართავდა, ტერიტორიიდან ევაკუატორით გაიყვანეს
„გირჩი – მეტი თავისუფლება“ სახელმწიფო უსაფრთხოების შენობებთან ქვეყნის მასშტაბით აქცია–პერფორმანსს მართავს. პარტიის წევრებს ბლოკირებული აქვთ შენობის შესასვლელი.
თბილისში, სუს–ის შენობასთან მანქანაში პარტიის ლიდერი, ზურაბ ჯაფარიძე იმყოფებოდა, რომელიც მედიასთან კომენტარს არ აკეთებდა.
ამ წუთებში, სუს–ის შენობასთან ევაკუატორი მიიყვანეს, რომლითაც ზურაბ ჯაფარიძის მანქანა, სადაც თავად პარტიის ლიდერი იჯდა, საჯარიმო სადგომზე გადაიყვანეს.
ავტორი: ექსპრესნიუსი,
epn.ge (@expressnews.ge)
