2021-11-10 14:15:40, 793 ნახვა
საზოგადოება
საქალაქო სასამართლოსთან სააკაშვილის პროცესის პარალელურად აქცია მიმდინარეობს
თბილისის საქალაქო სასამართლოში, 7 ნოემბრის საქმეზე, საქართველოს მესამე პრეზიდენტის, მიხეილ სააკაშვილის სასამართლო პროცესი მიმდინარეობს.
პარალელურად თბილისის საქალაქო სასამართლოსთან საქართველოს ყოფილი პრეზიდენტის მიხეილ სააკაშვილის მხარდამჭერები "მიშა, მიშა"- სკანდირებენ.
ისინი საყვირებით ყოფილი პრეზიდენტის მხარდაჭერას გამოხატავენ და ყოფილი პრეზიდენტის გათავისუფლებას ითხოვენ.
ადგილზე დიდი ოდენობით სამართალდამცავები არიან მობილიზებული.
ცნობისთვის, სასამართლო პროცესს თავად მიხეილ სააკაშვილი არ ესწრება. როგორც სასჯელაღსრულების დეპარტამენტში აღნიშნეს, შესაძლო დესტრუქციული ქმედებებისა და ჯანმრთელობის დამატებითი რისკის გამო, სამსახური მოკლებულია შესაძლებლობას, გადაიყვანოს სააკაშვილი სასამართლოში.
ავტორი: ექსპრესნიუსი,
epn.ge (@expressnews.ge)
