ოპოზიცია დღეს, 10:00 საათიდან საპროტესტო აქციების დამატებით წერტილებში გაშლას აანონსებს, – აღნიშნულის შესახებ ენმ–ის ლიდერმა, ნიკა მელიამ განაცხადა.

მისივე თქმით, პროტესტი იქნება უწყვეტი.

„9 ნოემბერს, დილის 10:00 საათზე დამატებით წერტილებში გავშლით აქციებს. აქცია გაიმართება იუსტიციის სამინისტროსთან, იქ, ვისი ვალდებულებაცაა, რომ სააკაშვილი არ იყოს იქ, სადაც ახლა ჰყავთ. ასე ეტაპობრივად აზვირთდება პროტესტი. ნერვების ომიც მოსაგებია. არანაირი სახლი, დღეიდან სახლი და ოჯახი თავისუფლების მოედანია“, - განაცხადა მელიამ.

შეგახსენებთ, რომ ოპოზიციამ გუშინ საპროტესტო აქცია თავისუფლების მოედანზე გამართა, საიდანაც აქციის მონაწილეებმა მთავრობის ადმინისტრაციასთან გადაინაცვლეს და მოახდინეს შენობის შესასვლელის ბლოკირება. ადგილზე სამართალდამცველები იმყოფებოდნენ. აქციის მონაწილეები მთავრობის ადმინისტრაციასთან ამ წუთებშიც იმყოფებიან.

ცნობისთვის, ოპოზიციის მოთხოვნა უცვლელია, რომ საქართველოს მესამე პრეზიდენტი, მიხეილ სააკაშვილი, რომელიც გუშინ გლდანის სამკურნალო დაწესებულებაში გადაიყვანეს, გადაყვანილი იყოს მრავალპროფილურ სამოქალაქო კლინიკაში. 

ავტორი: ექსპრესნიუსი,

სოციალური ქსელები

ტრამპს სურს, რომ ჯანი ინფანტინო გაეროს შემდეგი გენერალური მდივანი გახდეს - New York Post

აშშ-ის მოკავშირეები ახლო აღმოსავლეთში ტრამპს ირანში სახმელეთო შეჭრის დაწყებისკენ მოუწოდებენ

უკრაინამ კრასნოდარსა და ნევინომისკში Wildberry-ის საწყობებს დაარტყა. რვა ადამიანი დაშავდა

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური