დედაქალაქის მერის, კახა კალაძის განცხადებით, თბილისის მერიას აქვს წინადადება, ვაკის პარკში საქართველოს გმირების მემორიალი მოეწყოს.

ამის შესახებ მან სოციალურ ქსელში ვიდეოჩართვისას ისაუბრა.

კახა კალაძის თქმით, ვაკის პარკი არის ისტორიული მნიშვნელობის მქონე ადგილი, შესაბამისად, მსგავსი მონუმენტის მოწყობა, პირველ რიგში, მნიშვნელოვანია  ჩვენი გმირების პატივისცემისა და მათი სულების უკვდასაყოფად.

„ვაკის პარკში მასშტაბური სარეაბილიტაციო სამუშაოები ჩავატარეთ. თუმცა ქალაქისთვის მისი ისტორიული მნიშვნელობის გათვალისწინებით, შენარჩუნებულია პარკის ძირითადი კონცეფცია. ათწლეულების განმავლობაში ეს ტერიტორია ადამიანებისთვის, არამხოლოდ დასვენებისა და განტვირთვის ფუნქციას ასრულებდა, არამედ ეროვნული მნიშვნელობის მოვლენებთან დაკავშირებული ერთიანობის მემატიანეა.

ჩვენ გვაქვს წინადადება, რომ პარკის ტერიტორიაზე მოეწყოს საქართველოს გმირების მემორიალი, რომელიც მნიშვნელოვანია  ჩვენი გმირების პატივისცემისა და მათი სულების უკვდასაყოფად. ამავდროულად ისტორიულ ექსკურსს მოიაზრებს და ისტორიულ მოვლენებთან დაკავშირებულ ცნობებს მიაწვდის ჩვენს მოქალაქეებს და თბილისის სტუმრებს“, - აღნიშნა კახა კალაძემ.

კახა კალაძემ საზოგადოებას აქტიურობისკენ მოუწოდა და აღნიშნა, რომ პროექტის განხორციელების პროცესში დარგის სპეციალისტები ჩაერთვებიან, გაიმართება შეხვედრები, მსჯელობა და ამის შემდეგ გადაწყდება, როგორი მონუმენტი გაკეთდეს.

„აღნიშნული მიზნით, გამოცხადდება კონკურსი და ყველა დაინტერესებულ პირს შეეძლება შესაბამისი წინადადების წარმოდგენა. ძალიან კარგი იქნება, თუ საზოგადოება, დარგის სპეციალისტები ჩაერთვებიან. ასევე, მნიშვნელოვანი იქნება მათი მოსაზრებების მოსმენა და ვფიქრობ, რომ ძალიან კარგი საქმე გაკეთდება. ჩვენს გმირებთან დაკავშირებით, მომავალმა თაობებმა უფრო მეტი ინფორმაცია უნდა მიიღონ. საოცარი ისტორიებია მათი ბრძოლისუნარიანობის და თავგანწირვის“, - განაცხადა დედაქალაქის მერმა.

მისივე თქმით, მონუმენტის მოწყობა შესაძლებელი იქნება ვაკის პარკის სარეაბილიტაციო სამუშაოების მეორე ეტაპის ფარგლებში, რაც გულისხმობს ცენტრალური შადრევანის და კასკადის რეაბილიტაციას.

ამასთან, ვიდეოჩართვისას მერის მოადგილე ანდრია ბასილაიამ აღნიშნა, რომ საქართველოს გმირების მონუმენტის მოწყობის პროცესში აუცილებელი იქნება იმ მაგალითების გამოყენება, რაც მსოფლიოში არსებობს.

„გვაქვს მსოფლიოში ამის ბევრი კარგი მაგალითი, რაც ჩვენ შეგვიძლია გამოვიყენოთ. ასევე, ერთ-ერთი მთავარი იდეა არის ის, რომ ეს არ იქნება გარკვეულ დროსთან დაკავშირებული. ჩვენი ისტორია სავსეა მსგავსი მოვლენებით და პიროვნებებით. იმისთვის, რომ საუკეთესო მონუმენტი მივიღოთ, საზოგადოების ჩართულობაა აუცილებელი. ეს არ უნდა იყოს მხოლოდ მონუმენტი და უნდა ატარებდეს ისტორიულ ხასიათს“, - განაცხადა ანდრია ბასილაიამ.

ავტორი: NS (სტატია დაფინანსებულია),

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე