საქართველოს მესამე პრეზიდენტის, მიხეილ სააკაშვილის ადვოკატი ბექა ბასილაია ექიმ ზურაბ ფაღავას მიერ გადაწყვეტილებას ეხმაურება, რომელიც ექს-პრეზიდენტის ჯანმრთელობის მონიტორინგის მიზნით შექმნილ კონსილიუმს ტოვებს.

როგორც ადვოკატმა აღნიშნა, ექიმის გადაწყვეტილება მეტყველებს იმაზე, რომ ხელისუფლების მხრიდან ხდება მიხეილ სააკაშვილის ჯანმრთელობითა და უსაფრთხოებით მანიპულირება.

„ჩვენ არ მოვახდენთ სპეკულირებას, თუმცა ფაქტები მეტყველებს თავისთავად. კონსილიუმმა დადო დასკვნა, რომელიც არ სრულდება იუსტიციის სამინისტროს მხრიდან. კონსილიუმის დასკვნის შესაბამისად, სახალხო დამცველმა განაცხადა, რომ მიხეილ სააკაშვილის გადაყვანა არ უნდა მოხდეს მე-18 დაწესებულებაში და ამის შემდეგ კონსილიუმის ერთ-ერთი მთავარი წევრი, საზოგადოებისთვის ცნობილი, ძლიერი ექიმი, მაღალი რეპუტაციის მქონე, ტოვებს კონსილიუმს. ეს რას ნიშნავს? ერთადერთს, რომ სახელმწიფოს მხრიდან ხდება მიხეილ სააკაშვილის ჯანმრთელობით მანიპულირება, მისი უსაფრთხოებით მანიპულირება. ამის უფლება ქართველმა ხალხმა და სახალხო დამცველის აპარატმა, რომელიც ერთადერთია, ვინც მოწოდების სიმაღლეზე დგას, არ უნდა მივცეთ“, - განაცხადა ადვოკატმა.

ავტორი: ექსპრესნიუსი,

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება