"ქართული ოცნების" ქუთაისის მერობის კანდიდატის იოსებ ხახალეიშვილის განცხადებით, ინფორმაცია იმის შესახებ, რომ თითქოს ქუთაისის მერია ასსაფეხურიანი კიბის და ცენტრალური შადრევნის რეაბილიტაციას ვერ იწყებს, სიმართლეს არ შეესაბამება და საზოგადოების შეცდომაში შეყვანას ემსახურება.

როგორც იოსებ ხახალეიშვილმა "ფეისბუქის" ოფიციალურ გვერდზე ლაივ-ჩართვისას განაცხადა, აღნიშნული ობიექტების რეაბილიტაციის შესახებ ხელშეკრულება უკვე ხელმოწერილია და სამუშაოები უმოკლეს ვადაში დაიწყება.

"მინდა ვისარგებლო შემთხვევით და გამოვეხმაურო დღეს გავრცელებულ ინფორმაციას, რომ თითქოსდა ქუთაისის მერია ვერ იწყებს ასსაფეხურიანი კიბის და ცენტრალური შადრევნის რეაბილიტაციას, რაც მინდა გითხრათ და დაგარწმუნოთ, რომ არის მტკნარი სიცრუე და ჩვენი თანაქალაქების შეცდომაში შეყვანას ემსახურება მიზნად. ხელშეკრულება ხელმოწერილია უკვე და გამარჯვებული კომპანიები სულ მოკლე ხანში, რამდენიმე დღეში დაიწყებენ აღნიშნული ობიექტების რეაბილიტაციას. ასე რომ, მინდა, გითხრათ, რომ ჩვენი დანაპირები ყოველთვის სრულდება.

ინფრასტრუქტურა მნიშვნელოვან გამოწვევად რჩება, თუმცა ყველაფერს გავაკეთებთ იმისათვის, რომ არა მარტო დროში, არამედ ხარისხიანად დასრულდეს ყველა პროექტი", - განაცხადა იოსებ ხახალეიშვილმა.

ცნობისთვის, "ფლანგვის დეტექტორმა" დღეს გაავრცელა ინფორმაცია, რომ ქუთაისში ასსაფეხურიანი კიბის რეაბილიტაციის დაპირება ქუთაისის მერიამ ჯერ კიდევ 2018 წელს გასცა, თუმცა ამ დრომდე რეაბილიტაცია არ მომხდარა.

ავტორი: NS (სტატია დაფინანსებულია),

სოციალური ქსელები

Hürriyet: თურქეთის მიერ რუსეთისგან შეძენილი S-400-ები სპარსეთის ყურის ერთ-ერთ ქვეყანას მიჰყიდეს

თბილისში დააკავეს 1 პირი, რომელმაც არასრულწლოვანი დანით დაჭრა და მიიმალა

CNN: ისრაელი ლიბანს უახლოეს დღეებში ოკუპირებული ტერიტორიების ნაწილს დაუბრუნებს

თეთრ სახლში ილია თოფურიას ორთაბრძოლის დროს, თავდასხმა იგეგმებოდა - 8 ეჭვმიტანილი დააკავეს