საერთაშორისო სავალუტო ფონდისა და მსოფლიო ბანკის წლიური შეხვედრების ფარგლებში, ფინანსთა მინისტრი ლაშა ხუციშვილი საერთაშორისო სავალუტო ფონდის  შუა აღმოსავლეთისა და ცენტრალური აზიის დეპარტამენტის დირექტორს, ჯიჰად აზურს შეხვდა.- ინფორმაციას ფინანსთა სამინისტრო ავრცელებს.

მათივე ცნობით, ვირტუალურ ფორმატში გამართულ შეხვედრას დაესწრნენ ეროვნული ბანკის პრეზიდენტი კობა გვენეტაძე, სსფ-ის შუა აღმოსავლეთისა და ცენტრალური აზიის დეპარტამენტის დირექტორის მოადგილე სუბირ ლალი.

"სსფ-ის წარმომადგენლებმა მოისმინეს ინფორმაცია ამჟამად, ქვეყნის ეკონომიკაში არსებული ვითარების შესახებ, ამასთან ერთად, განიხილეს 2022 წლის ბიუჯეტის პროექტის ძირითადი მაკროეკონომიკური მაჩვენებლები და პრიორიტეტები. საუბარი შეეხო საერთაშორისო სავალუტო ფონდის მიერ მხარდაჭერილი ახალი პროგრამის დაწყების საკითხს.

როგორც შეხვედრაზე აღინიშნა, საქართველოს მთავრობას აქვს რეფორმების დღის წესრიგი, რომლის განხორციელებაც სსფ-ის ახალი პროგრამის ფარგლებში იგეგმება და რომელიც  მნიშვნელოვნად შეუწყობს ხელს ეკონომიკური ზრდის შენარჩუნებას ქვეყანაში." - ნათქვამია განცხადებაში.

ავტორი: NS (სტატია დაფინანსებულია),

სოციალური ქსელები

TI ადამიანის უფლებათა ევროპულ სასამართლოში თბილისის საპროტესტო აქციების მონაწილის ინტერესებს დაიცავს.

ილჰამ ალიევმა დაამტკიცა საქართველოსთან ელექტროენერგიის მიწოდებისა და ტრანზიტის შესახებ შეთანხმება

ნანუკა ჟორჟოლიანი: „ერთიანი ნაციონალური მოძრაობის“ თავმჯდომარის თანამდებობის გაუქმება არ იგეგმება

WSJ: ისრაელმა აშშ-ს აცნობა, რომ ირანი ტრამპის მკვლელობას გეგმავს