„საქართველოს ბანკის“ მხარდაჭერით 5-8 ოქტომბერს, „თბილისი - წიგნის მსოფლიო დედაქალაქის“ ფარგლებში საგამომცემლო სფეროზე ონლაინლექციები გაიმართება.

როგორც „საქართველოს ბანკში” აცხადებენ, პროექტი ამერიკის საგანმანათლებლო და კულტურულ საქმეთა დეპარტამენტის (The Bureau of Educational and Cultural Affairs (ECA) სპიკერების პროგრამისა და საქართველოში აშშ-ის საელჩოსთან თანამშრომლობით ხორციელდება. ლექციებს საერთაშორისო ექსპერტები ჩაატარებენ.

„საგამომცემლო საქმიანობის ხელშეწყობა და სტიმულირება, „თბილისი - წიგნის მსოფლიო დედაქალაქის“ ერთ-ერთი პრიორიტეტული მიმართულებაა. საგამომცემლო სფერო მთელ მსოფლიოში, გამუდმებით იხვეწება და ახალ მიმართულებებს იძენს. „აუცილებლად მიგვაჩნია, სიახლეების შესახებ ინფორმაცია ჩვენს გამომცემლებსაც მივაწოდოთ და ამ გზით გავამდიდროთ მათი ცოდნა და გამოცდილება, რისთვისაც მსოფლიოს წამყვანი სპეციალისტები შევარჩიეთ“,- ამბობს „თბილისი-წიგნის მსოფლიო დედაქალაქის“ დირექტორი, ნინია მაჭარაშვილი.

„ონლაინლექციების მსმენელი შეიძლება გახდეს ნებისმიერი, ვისაც საგამომცემლო სფერო აინტერესებს.

ლექციებს სხვადასხვა თემებზე, ამერიკული საგამომცემლო კომპანიების წარმომადგენლები ჩაატარებენ:

• გამომცემლისა და ავტორის ურთიერთობა

სპიკერი, ჯეფ სეროი - კომუნიკაციების კონსულტანტი; გამომცემლობა Farrar, Straus and Giroux-ის ყოფილი ვიცე-პრეზიდენტი და კომუნიკაციების დირექტორი.

• საგამომცემლო ბიზნესის ანა-ბანა

სპიკერი, ჯილ სქულმენი - გამომცმელობა Archipelago Books-ის დამაარსებელი.

• საერთაშორისოშესაძლებლობებიქართველიგამომცემლებისთვის

სპიკერი, ბრიუს ნიკოლსი - გამომცემლობა Little, Brown and Company-ს უფროსი ვიცე-პრეზიდენტი.

• კომპანია„დისნის“ პრეზენტაცია

ვორკშოპი „დისნის“ საგამომცემლო მიმართულების სხვადასხვა სფეროებთან კვეთის შესახებ“,- ნათქვამია ინფორმაციაში.

ინფორმაციისთვის, UNESCO-ს პროექტი „თბილისი - წიგნის მსოფლიო დედაქალაქი“, ერთ-ერთია იმ პროექტებს შორის, რომელიც საქართველოს ბანკის მხარდაჭერით, კორპორაციული სოციალური პასუხისმგებლობის ფარგლებში ხორციელდება. პროექტი მიზნად ისახავს წიგნისა და კითხვის პოპულარიზაციას, ხელს უწყობს წიგნის ინდუსტრიისა და მასთან დაკავშირებული ყველა სფეროს განვითარებას, თანამედროვე ავტორების, მთარგმნელების, ბიბლიოთეკების, გამომცემლების ხელშეწყობას.

ავტორი: R (რეკლამა),

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს