საქართველოს მთავრობამ ზღვაში 89 ჰექტარი [891 258 კვ.მ.] ტერიტორია დაირეგისტრირა, როგორც არასასოფლო-სამეურნეო მიწის ნაკვეთი და აღნაგობის უფლებით „ამბასადორი ბათუმი აილენდს“ გადასცემს . 

შპს „ამბასადორი ბათუმი აილენდი“  კუნძულს ოდისეი დიმიტრიადის ქუჩის მიმდებარე ტერიტორიაზე ააშენებს.

საქართველოს მთავრობამ ამ პროექტთან დაკავშირებით გადაწყვეტილება 28 სექტემბერს მიიღო და შესაბამის მემორანდუმს მოაწერა ხელი.

საქართველოს ეკონომიკისა და მდგრადი განვითარების მინისტრის, ნათია თურნავას განცხადებით, ამ ადგილზე ინვესტორი ხელოვნურ კუნძულს და ნახევარკუნძულს მოაწყობს.
მისივე თქმით, კუნძულზე გაშენდება ახალი უბანი, ჯამურად ხუთასი სასტუმრო ნომრით. მოეწყობა სავაჭრო კომპლექსები და გასართობი ინდუსტრია.

მთავრობა ამ კუნძულის ასაშენებლად გათვალისწინებულ 100 მილიონი დოლარის ინვესტიციასა და 2000 პირის დასაქმების შესაძლებლობაზეც საუბრობს. 

„პროექტი მოითხოვს დეტალურ, სკურპულოზურ კვლევას, რაზეც ინვესტორი იღებს პასუხისმგებლობას და უახლოეს პერიოდში განახორციელებს ყველა აუცილებელ კვლევას, რაც უფრო მეტად დაადასტურებს ამ პროექტის მიმზიდველობას და განხორციელებადობას. ჩვენ ამაში ეჭვი არ გვეპარება“, - განაცხადა ნათია თურნავამ.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს