დღეიდან დიღმის ოლიმპიურ სოფელში საველე ჰოსპიტალი პაციენტების მისაღებად მზად არის. -  ამის შესახებ ჯანდაცვის მინისტრმა ეკატერინე ტიკარაძემ განაცხადა.

მინისტრის თქმით, საველე ჰოსპიტალში ექიმებს საშუალება ექნებათ მომსახურება გაუწიონ, როგორც მძიმე, ასევე საშუალო სიმძიმის პაციენტებს. 

როგორც ეკატერიე ტიკარაძემ აღნიშნა, საველე ჰოსპიტალში პაციენტებს მას შემდეგ მიიღებენ, როცა ჰოსპიტალური რესურსი საკმარისი აღარ იქნება.
"საველე ჰოსპიტალი მოწყობილია სრული საერთაშორისო სტანდარტების დაცვით, რაც გულისხმობს იმას, რომ კოვიდპანდემიის მართვის პირობებში განსაკუთრებით საჭიროა მაქსიმალურად უზრუნველყოფილი იყოს ყველა საწოლი ჟანგბადის მიწოდებით. აქ ექიმებს საშუალება ექნებათ მომსახურება გაუწიონ, როგორც საშუალო სიმძიმის, ასევე მძიმე პაციენტებს, ვინაიდან მოწყობილია ინტენსიურის და რეანიმაციის ტიპის საწოლები. მნიშვნელოვანია ასევე, რომ ის ექიმები, რომლებიც აქ პაციენტებს მომსახურებას გაუწევენ, არიან სრულად გადამზადებული და გააჩნიათ ყველა საჭირო უნარი იმისთვის, რომ გაუწიონ პაციენტებს უსაფრთხო მომსახურება, მათი ჯანმრთელობის რისკების ყველა გადაზღვევით. საველე ჰოსპოტალი დღეიდან მზად არის პაციენტების მისაღებად, თუმცა მაქსიმალურად ვეცდებით, დავრჩეთ ჰოსპიტალიურ სექტორში",- განაცხადა ეკატერინე ტიკარაძემ.

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა