დღეიდან მოქალაქეებს ფაიზერით ვაქცინაციაზე რეგისტრაციის საშუალება დამატებით ხუთ სამედიცინო დაწესებულებაში მიეცა. - ამის შესახებ ინფორმაციას აჭარის ჯანდაცვის სამინისტო ავრცელებს.

მათი ცნობით, კლინიკების ჩამონათვალს ბათუმში - ირის ბორჩაშვილის სახელობის ჯანმრთელობის ცენტრი "მედინა" და ბათუმის საერთაშორისო საუნივერსიტეტო ჰოსპიტალი დაემატა. ფაიზერით იმუნიზაცია მაღალმთიანი აჭარის მუნიციპალიტეტებშიცაა შესაძლებელი. მსურველებს ჯავშნის გაკეთება ხულოს, შუახევისა და ქედის ევექსის ჰოსპიტლებში შეუძლიათ. გაიზარდა ამცრელი კაბინეტების რაოდენობა ბათუმის რესპუბლიკურ საავადმყოფოშიც, აქ მოქალაქეებს ფაიზერით ვაქცინაციისას დამატებით 6 ბრიგადა მოემსახურება.

"დღეისათვის აჭარაში კორონავირუსის საწინააღმდეგო ვაქცინაცია 14 სამედიცინო დაწესებულებაში და ორ დიდი სავაჭრო ცენტრში მიმდინარეობს. მობილიზებულია 33 ამცrელი ბრიგადა. გასული ორი დღის განმავლობაში ვაქცინაციისთვის ამცრელ კაბინეტებს ყველაზე მეტმა მოქალაქემ მიმართა. დღის განმავლობაში 2300-მდე პირი იტარებს კორონავირუსის საწინააღმდეგო ვაქცინაციას. ამჟამად აჭარაში ვაქცინირებულია 51 057 მოქალაქე."- ნათქვამია განცხადებაში

ავტორი: NS (სტატია დაფინანსებულია),

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის