„ვადასტურებთ ღია კარის პოლიტიკას და პატივისცემით ვეკიდებით ყველა სახელმწიფოს უფლებას, თავად უზრუნველყოს საკუთარი უსაფრთხოება“, - ამის შესახებ ჩრდილოატლანტიკური ალიანსის ბრიუსელის სამიტის კომუნიკეს 66-ე მუხლშია ნათქვამი.

66-ე მუხლში ასევე აღნიშნულია, რომ ალიანსის გაფართოების რამდენიმე რაუნდმა ევროატლანტიკური გაერთიანების უსაფრთხოება დაამტკიცა.

„ჩვენ ვადასტურებთ ნატო-ს ღია კარის პოლიტიკას, რაც გაწერილია ვაშინგტონის შეთანხმების მეათე პუნქტში, რაც ისტორიულად წარმატებული იყო.

გასულ წელს ჩრდილოეთ მაკედონიის გაწევრიანება არის კიდევ ერთი მაგალითი ამ ვალდებულებისა. გაფართოების რამდენიმე რაუნდმა განამტკიცა ევროატლანტიკური ალიანსის უსაფრთხოება და ხელი შეუწყო კანონის უზენაესობის, დემოკრატიული ინსტიტუტებისა და პრაქტიკის გავრცელებასა და კონსოლიდაციას ევროპის კონტინენტზე.

ნატო პატივისცემით ეკიდება ყველა სახელმწიფოს უფლებას, თავად უზრუნველყოს საკუთარი უსაფრთხოება, როგორც ეს არის ჩაწერილი 1990 წლის პარიზის ქარტიაში.

ნატო-ს კარი ღიაა ყველა ევროპული დემოკრატიისთვის, რომლებიც იზიარებენ ალიანსის ღირებულებებს, რომლებსაც სურთ და შეუძლიათ, აიღონ წევრობის პასუხისმგებლობა და ვალდებულება, რომელთაც ძალუძთ წესდების პრინციპების წინ წაწევა და რომელთა მიღებასაც შეუძლია, ხელი შეუწყოს ჩრდილოატლანტიკური სივრცის უსაფრთხოებას“, - ნათქვამია ნატო-ს კომუნიკეში.

ავტორი: ექსპრესნიუსი,

სოციალური ქსელები

რუსეთში ნავთობგადამამუშავებელ ქარხნებზე უკრაინული დრონების დარტყმების გამო, ბენზინის დეფიციტია

პაპუაშვილი პოლიტპატიმრების შეწყალებაზე: შენდობას წინ ყოველთვის უძღვის სინანული

მდინარაძე პოლიტპატიმრების შეწყალებაზე: სადაც პრეზიდენტის დისკრეციული უფლებამოსილება არსებობს, მას რეკომენდაციაც კი შეიძლება ეზედმეტოს

სერბეთის პატრიარქი პორფირიე - ქართველმა ხალხმა მიიღო სათნო მამა, კეთილი მწყემსი და დაუღალავი მასწავლებელი