2021-05-06 16:18:20, 740 ნახვა
საზოგადოება
ილია მეორე - იმედი და სიყვარული არ უნდა დავკარგოთ, დახმარება უნდა გავუწიოთ ერთმანეთს
სრულიად საქართველოს კათოლიკოს პატრიარქმა, ილია მეორემ მრევლს გიორგობის დღესასწაული მიულოცა.
როგორც პატრიარქმა აღნიშნა, დღეს დიდი დღესასწაულია, იმედით უნდა ვიყოთ და ერთმანეთს დახმარება გავუწიოთ.
„დღეს არის დიდი დღესასწაული. სრულიად საქართველოს ვულოცავ წმინდა გიორგის დღესასწაულს. წმინდა გიორგი არის გაჭირვებული ადამიანების დამხმარე. შეგეწიოთ წმინდა გიორგი თქვენ და ყოველ გაჭირვებულს. იმედით ვიყოთ, იმედი არ უნდა დავკარგოთ, სიყვარული არ უნდა დავკარგოთ, დახმარება გავუწიოთ ერთმანეთს. დალოცვილი იყავით, იხარეთ ორსავე სოფელსა შინა“, - აღნიშნა პატრიარქმა.
ავტორი: ექსპრესნიუსი,
epn.ge (@expressnews.ge)
