ჩვენ ვიწყებთ ქვეყნის მასშტაბურ განახლებას 63 მუნიციპალიტეტში, - ამის შესახებ საქართველოს პრემიერ-მინისტრმა ირაკლი ღარიბაშვილმა, მთავრობის სხდომაზე განაცხადა.

როგორც ირაკლი ღარიბაშვილმა აღნიშნა, პროექტი ითვალისწინებს რეგიონების ინფრასტრუქტურულ განათლებას.

მისივე განმარტებით, აღნიშნული პროექტის პირველი ეტაპის ღირებულება 500 მილიონი ლარია და მისი ვარაუდით, პროექტი დაახლოებით 15 ათასამდე ადამიანს დაასაქმებს.

„ჩვენ ვიწყებთ ქვეყნის მასსშტაბურ განახლებას, ეს პროგრამა გულისხმობს 63 მუნიციპალიტეტში ურბანულ განათლებას, მნიშვნელოვანი კულტურული ობიექტების რეაბილიტაციას, მუნიციპალიტეტების ადმინისტრაციული ცენტრების რეაბილიტაციას, რეკრეაციული სივრცეების მოწყობას, რეკრეაციულ პარტკებში ტურისტული ინფრასტრუქტურის განვითარებას, მნიშვნელოვანი საზოგადოებრივი ობიექტების რეაბილიტაციასა და მშენებლობას, ყველა ქალაქის, მუნიციპალიტეტის კურორტების და დასახლებების ურბანულ განახლებას. შეიქმნება ახალი დასასვენებელი ტურისტულ-საზოგადოებრივი ზონები.

საქართველოში უამრავი ადგილია, რომელიც უნდა გავხადოთ კიდევ უფრო მიმზიდველი ჩვენი მოსახლეობისთვის და ამავდროულად ჩვენი სტუმრებისთვის, ტურისტებისთვის.

რეგიონების განახლების პროექტის პირველი ეტაპის ღირებულება ხუთასი მილიონი ლარია, რაც ითვალისწინებს ახალი სამუშო ადგილების შექმნას, ჩვენი ვარაუდით, დაახლოებით 15 ათასი ახალი სამუშაო ადგილი შეიქმნება. პროგრამით გათვალისწინებულ პროექტებზე ტენდერები ამ კვირაშივე გამოცხადდება და 63 მუნიციპალიტეტში, ალბათ ივნისიდან დავიწყებთ პროექტების განხორციელებას“, - განაცხადა ირაკლი ღარიბაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი