საქართველოს 13 ქალაქში „ნამახვანჰესის“ მშენებლობის საწინააღმდეგო აქცია მიმდინარეობს

2021-04-24 16:52:10, 666 ნახვა

საზოგადოება

საქართველოს 13 ქალაქში „ნამახვანჰესის“ მშენებლობის საწინააღმდეგო აქცია მიმდინარეობს.

როგორც ვარლამ გოლეთიანმა განაცხადა, ხელისუფლება არსებული პრობლემის გადაჭრის გზას ისევ ვერ ხვდება.

„ის, რომ პრობლემა არსებობს, ამის აღიარება პირდაპირ ხდება. თუმცა, როგორ უნდა გადაიჭრას ეს პრობლემა, ამას უკვე ხელისუფლება ვეღარ ხვდება. როდესაც ჩვენ მოვუწოდებთ მათ, რომ ნუ ცდილობენ აქ რობოკოპებით, საპოლიციო ძალებით და რეპრესიული მეთოდებით გადაჭრან პრობლემა. ამას მოვუწოდებთ მათ მთელი 180 დღე. იგივე მოწოდება იქნება დღესაც. გადავინაცვლებთ ჯებირთან, დავუძახებთ შესაბამისი სტრუქტურის წარმომადგენელს. იგივე განცხადების საფუძველზე, რომელიც დღეს გავრცელდა მთავრობისგან, რომ შესაძლებლობა ექნებათ ადამიანებს გადაადგილდნენ ნამოხვანში მშვიდობიანად. წესით ამაზე წინააღმდეგობა არ უნდა გაწიონ, რადგან მათსავე განცხადებაში წერია, შესაძლებლობა გვაქვს გადავადგილდეთ მშვიდობიანად ნამოხვანში“, - განაცხადა ვარლამ გოლეთიანმა.

საპროტესტო აქციები მიმდინარეობს შემდეგ ლოკაციებზე:

გუმათში - გუმათჰესთან;

ბათუმში - ერას მოედანზე;

ქობულეთში - ცენტრალური პარკის ტერიტორიაზე;

ბოლნისში - ცენტრალურ შესასვლელთან;

რუსთავში - გმირთა მემორიალის სკვერში;

ზუგდიდში - მთავარ მოედანზე;

ფოთში - რუსთაველის რკალთა, კოლხი დედის ძეგლის მიმდებარედ;

წყალტუბოში - ტაბიძის მოედანთან;

ლენტეხში - რაიონში შესასვლელთან;

ყაზბეგში - სტეფანწმინდის მოედანთან;

ლანჩხუთში - ჟორდანიას ქუჩაზე;