გერმანული დაბალბიუჯეტიანი ავიაკომპანია Eurowings საქართველოს ავიაბაზარზე შემოდის. ავიაკომპანია, რომელიც დიუსელდორფის აეროპორტშია ბაზირებული, თბილისის მიმართულებით ფრენებს 21 ივლისიდან გეგმავს.

ავიაკომპანიის ვებ-გვერდზე დიუსელდორფი-თბილისი-დიუსელდორფის მიმართულებაზე ავიაბილეთების გაყიდვები უკვე დაწყებულია.

Eurowings-ი დიუსელდორფსა და თბილისს შორის, 21 ივლისიდან ოპერირებას კვირაში ორი სიხშირითმოახდენს. ფრენები ყოველ ოთხშაბათსა და კვირას AIRBUS A320 ტიპის საჰაერო ხომალდით შესრულდება.

საქართველოს აეროპორტების გაერთიანება 2017 წლიდან აქტიურად მუშაობდა ავიაკომპანია Eurowings-თან საქართველოს მიმართულებით პირდაპირი ავიამიმოსვლის დაწყების მიზნით.

„გავაცანით საქართველოს ავიაბაზარზე არსებული ვითარება, წლების განმავლობაში ვაწვდიდით დეტალურ ინფორმაციას საქართველოსა და გერმანიას შორის პირდაპირ საჰაერო მიმოსვლაზე მზარდი მოთხოვნის შესახებ. ჩვენსა და ავიაკომპანიის ავიამიმართულებების განვითარების მენეჯერთან ივან ორეკთან, ბოლო შეხვედრა 2019 წლის მიწურულს, საავიაციო ფორუმ Routes World 2019-ის ფარგლებშიგაიმართა. ავიაკომპანიის განცხადებით, მიდიოდა მუშაობა 2020 წლის ზაფხულის სეზონიდან საქართველოს მიმართულებით პირდაპირი რეისების დაწყების თაობაზე, თუმცა პანდემიის გამო განვითარებული მოვლენებიდან გამომდინარე 2020 წელს ავიაკომპანიის გეგმები მნიშნელოვნად შეიცვალა. მოხარული ვართ, რომ ავიაკომპანია 2021 წლის ივლისიდან აპირებს თბილისიდან დიუსელდორფის მიმართულებით ოპერირების განხორციელებას. გვჯერა, რომ სამომავლოდ ავიაკომპანია Eurowings საქართველოდან ოპერირების არეალს კიდევ უფრო გაზრდის და გააფართოვებს“, - განაცხადა თამარ არჩუაძემ.

პირველ ეტაპზე ავიაკომპანია, დიუსელდორფი-თბილისი-დიუსელდორფის საჰაერო ხაზზე რეგულარული ფრენების შესრულებას ზაფხულის სანავიგაციო სეზონის ბოლომდე (ოქტომბერი) გეგმავს.

ავტორი: NS (სტატია დაფინანსებულია),

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა