„დაუზუსტებელი შოკი აქვს - ყველაფერი გაკეთდება მისი სიცოცხლის გადასარჩენად“, - ამის შესახებ პირველი საუნივერსიტეტო კლინიკის მთავარმა ექიმმა ლევან რატიანმა განაცხადა.

მან ასევე აღნიშნა, რომ 27 წლის ექთან უნდა ჩაუტარდეს დამატებითი კვლევები, რომელიც დაადგენს დაუდგენელი შოკის მიზეზებს.

„გემოდინამიკა არასტაბილურია, ჩატარდა ყველა კვლევა რაც პროტოკოლით არის გათვალისწინებული, მიმდინარეობს ასევე დამატებითი კვლევები და მინდა ჩვენ მოსახლეობას ვუთხრა რომ ყველაფერი გაკეთდება მისი სიცოცხლის გადასარჩენად.

ლაბორატორიული კვლევების მონაცემები მნიშვნელოვანი ცვლილებების გარეშეა, რადგან აქ იყო დაუზუსტებელი შოკი, გაკეთდა ვაქცინა და ღრმა კვლევების ჩატარებამდე ვერ გეტყვით რამ გამოიწვია ეს. ჩვენი მიზანია, რომ რაც შეიძლება სწრაფად გამოვიდეს პაციენტი შოკური მდგომარეობიდან და რაც შეიძლება მალე დაიწყოს მისი გამოჯანმრთელების პროცესი“, - განაცხადა ლევან რატიანმა.

შეგახსენებთ, რომ ახალციხის კლინიკაში 27 წლის მედდას „ასტრაზენეკას“ ვაქცინის გაკეთების შემდეგ გვერდითი რეაქცია, სავარაუდოდ კი ანაფილაქსიური შოკი დღეს დაუფიქსირდა. ექთანი რამდენიმე წუთის წინ პირველ საუნივერსიტეტო კლინიკაში გადაიყვანეს.

ავტორი: ექსპრესნიუსი,

სოციალური ქსელები

საქართველო ტრადიციულად ევროვიზია 2026-ის ფინალში ვერ მოხვდა

ტრამპი- სი-ს სამიტი: ჩიპების ნაცვლად, ჩინეთი ხელოვნური ინტელექტის ომს განიხილავს

CNN: წელიწადნახევრის წინ ჩაძირული რუსული გემი შესაძლოა ჩრდილოეთ კორეისკენ მიემართებოდა, რომელსაც ბირთვული რეაქტორები გადაჰქონდა

რუბიო ჩინეთში სხვა სახელით გაფრინდა, რათა თავი აერიდებინა პეკინის დაწესებული სანქციებისთვის