2021-03-12 21:11:22, 624 ნახვა
საზოგადოება
ტელეკომპანია „იმედს“, GDS-სა და „მაესტროს“ მაუწყებლობა შეუწყდათ
ტელეკომპანია „იმედს“, GDS-სა და „მაესტროს“ მაუწყებლობა სერვერების მწყობრიდან გამოსვლის გამო შეუწყდათ.
ამის შესახებ „იმედის“ საინფორმაციო სამსახურის უფროსი ირაკლი ჩიხლაძე სოციალურ ქსელში წერს.
„სამწუხაროდ, ტელეკომპანია „იმედი“ და „იმედის“ ჰოლდინგში შემავალი „მაესტრო“ და GDS ჯერჯერობით ვერ ახერხებენ მაუწყებლობის განახლებას.
სერვერები დაუდგენელი მიზეზით გამოვიდა მწყობრიდან.
ტექნიკური სამსახური ცდილობს მაუწყებლობის და სამუშაო პროცესის აღდგენას. „ქრონიკის“ მთავრი გამოშვება ეთერში დაბრუნდება პირველივე შესაძლებლობისთანავე“, - წერს ირაკლი ჩიხლაძის განცხადებაში.
ავტორი: ექსპრესნიუსი,
epn.ge (@expressnews.ge)
