2021-03-06 18:42:18, 4340 ნახვა
ომი უკრაინაში
კანადაში კორონავირუსის საწინააღმდეგოდ Johnson & Johnson-ის ვაქცინა დაამტკიცეს
კანადის მედიკამენტების მარეგულირებელმა ორგანომ კორონავირუსის საწინააღმდეგოდ Johnson & Johnson-ის ვაქცინა დაამტკიცა.
ამის შესახებ ინფორმაციას უცხოური მედია ავრცელებს.
კანადამ აღნიშნული ვაქცინის 10 მილიონი დოზა წინასწარ შეისყიდა, ხოლო მომავალში კიდევ 28 მილიონის ყიდვის შესაძლებლობა აქვს.
Johnson & Johnson-ის ვაქცინა პირველია კანადაში დამტკიცებულ ვაქცინებს შორის, რომელიც ერთ დოზას მოითხოვს და ჩვეულებრივ მაცივარში ინახება.
ქვეყანამ ასევე დაამტკიცა Pfizer-ის, Moderna-სა და AstraZeneca-ს წარმოების ვაქცინები.
ამასთან, კანადა Pfizer-თან მიწოდების დაჩქარებაზეც შეთანხმდა და მაისის ბოლომდე ვაქცინის 3.5 მილიონ დოზას მიიღებს.
ავტორი: ექსპრესნიუსი,
epn.ge (@expressnews.ge)
