აჭარის ავტონომიური რესპუბლიკის ჯანმრთელობისა და სოციალური დაცვის მინისტრი ნუგზარ სურმანიძე და მინისტრის პირველი მოადგილე ლევან გორგილაძე ქედის მუნიციპალიტეტში გამგებელ დავით დუმბაძესთან ერთად პირველადი ჯანდაცვის ცენტრების საქმიანობას გაეცნენ.

აჭარის ჯანდაცვის სამინისტროს ინფორმაციით, უწყებისა და მუნიციპალიტეტის წარმომადგენლები მერისის თემის პჯდ ცენტრის სამედიცინო პერსონალს შეხვდნენ და სამედიცინო მომსახურების კუთხით არსებული მდგომარეობა მოისმინეს. ექიმ ანზორ ბროლაძის განმარტებით, მოსახლეობას სამედიცინო მომსახურება უწყვეტად მიეწოდება, ამბულატორია მომარაგებულია საჭირო მედიკამენტებით, ცენტრს გამგეობა გათბობისათვის საჭირო საშეშე მასალას უახლეს პერიოდში გადასცემს. მერისის თემის პჯდ ცენტრი 1 200 კომლს ემსახურება.

მინისტრმა შეხვედრაზე განაცხადა, რომ აჭარის ჯანდაცვის სამინისტრო სოფლის ექიმების დამატებითი შრომის ანაზღაურების პროგრამას 2016 წელსაც განახორციელებს, რომლის ფარგლებში მაღალმთიანი მუნიციპალიტეტების (ქედა, შუახევი, ხულო) 43 სოფლის ექიმი ხელფასზე დანამატის სახით 300 ლარს, ხელვაჩაურის და ქობულეთის 64 სოფლის ექიმი 150 ლარს მიიღებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპარლამენტი ევროკავშირში VPN-ების შეზღუდვას განიხილავს

შერის 49 წლის შვილი დედას სასამართლოში უჩივის ფინანსური დახმარების გაუქმების გამო

Forbes-ის მონაცემებით, დონალდ ტრამპის ქონება პრეზიდენტობის ერთ წელიწადში, 1.4 მილიარდი დოლარით გაიზარდა

მოსაყდრე შიო - ღირსეულად და წარმატებით უნდა ჩავატაროთ ის დიდი მოვლენა, რაც ხვალ გველის ყველას