„ოჯახის და ყოველი მოქალაქის სოციალურ-ეკონომიკური კეთილდღეობა მნიშვნელოვნად არის დამოკიდებული დასაქმებაზე",-ამის შესახებ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის  მინისტრობის კანდიდატმა  ეკატერინე ტიკარაძემ განაცხადა.

ეკატერინე ტიკარაძის განცხადებით,ამ მიმართულებით სახელმწიფო ორი ძირითადი მიმართულებით მუშაობს: დასაქმების ხელშეწყობა ადგილობრივ სექტორში და საქართველოს მოქალაქეების საზღვარგარეთ დროებით ლეგალურად დასაქმება.

„ცირკულარულ მიგრაციაზე მსურს გავაკეთო განსაკუთრებული აქცენტი, რადგან გერმანიაში დროებითი დასაქმების შესაძლებლობამ, გარკვეული ორაზროვანი რეაქცია გამოიწვია ჩვენს საზოგადოებაში.

მათ შორის, საზღვარგარეთ საქართველოს მოქალაქეებისთვის ლეგალურად დროებითი დასაქმების შესაძლებლობების გახსნა, მთავრობის ერთ-ერთი პრიორიტეტია. არალეგალური ემიგრაცია, როგორც საქართველოსთვის, ისე ევროკავშირის წევრი ქვეყნებისთვის  პრობლემური საკითხია, რომელსაც მნიშვნელოვნად აწესრიგებს ორ ქვეყანას შორის ცირკულარული მიგრაციის შესახებ არსებული შეთანხმება. გარდა ამისა, აღნიშნული შეთანხმება უფრო მეტად აახლოებს ქვეყნებს, რომლებიც კანონის სრული დაცვით უზიარებენ ერთმანეთს გამოცდილებას შრომის ბაზრის შესახებ. ჩვენ მოქალაქეებს მივეცით შესაძლებლობა დროებით დასაქმებულიყვნენ ევროკავშირის წევრ მეგობარ ქვეყნაში, სადაც მათ ელოდებათ ღირსეული შრომის ანაზღაურება და ჯანსაღი შრომითი გარემო. გარდა ეკონომიკური ინტერესისა, ჩვენი მოქალაქეები შეიძენენ მნიშვნელოვან გამოცდილებას და გაეცნობიან ევროპის ქვეყნებში არსებულ სისტემას. სამშობლოში დაბრუნების შემდეგ მათი გამოცდილების გაზიარება და ეროვნულ საქმიანობაში გამოყენება,  ისევ და ისევ ჩვენი ქვეყნისთვის იქნება სარგებლის მომტანი.

შრომისა და დასაქმების საკითხებზე საუბრისას აუცილებლად უნდა აღინიშნოს მნიშვნელოვანი სიახლე. 2021 წლის 1 იანვრიდან ამოქმედდა სსიპ შრომის ინსპექციის სამსახური, რომელიც ამ დრომდე დეპარტამენტის სტატუსით ფუნქციონირებდა. შრომის ინსპექციის მიერ პანდემიის პერიოდში განხორციელებული საქმიანობის შედეგად, ჯანმრთელობის რისკების შემცირებით, ჩვენ შევძელით ეკონომიკური სექტორის  რაც შეიძლება ხანგრძლივი მუშაობა და შემდგომ შეზღუდვების ეტაპობრივი მოხსნა.

შრომის ინსპექციის სამსახური გაზრდილი მანდატით შეუდგა როგორც  შრომის უსაფრთხოების მიმართულებით საქმიანობას, ასევე  დაიწყო შრომის უფლებების საკითხებზე მუშაობაც. ამ მიმართულებით ჩვენ უკვე გვაქვს შემუშავებული კონკრეტული ღონისძიებები, რომელთა ამოქმედება მნიშვნელოვნად გააუმჯობესებს დასაქმებულთა სამუშაო პირობებს",-განაცხადა ეკატერინე ტიკარაძემ.

ავტორი: NS (სტატია დაფინანსებულია),

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო