იუსტიციის მინისტრობის კანდიდატი  საქართველოს პარლამენტის ოთხი კომიტეტის გაერთიანებულ სხდომაზე სიტყვით გამოვიდა.

გოჩა ლორთქიფანიძემ იუსტიციის სამინისტროს პრიორიტეტებზე ისაუბრა, მათ შორის, სამეწარმეო და საინვესტიციო გარემოს გაუმჯობესების მიმართულებით: 2020 წლიდან უკვე ამოქმედდა იუსტიციის სამინისტროს მიერ შემუშავებული კანონი „მედიაციის შესახებ", რომელიც უზრუნველყოფს მედიაციის განვითარებას და მორიგების გზით დავების გადაწყვეტას.

მედიაციის სფეროს კიდევ უფრო მეტად განვითარების მიზნით შემდეგი კვირიდან პარლამენტში დაიწყება საქართველოს მთავრობის მიერ რატიფიცირებისთვის წარდგენილი ე.წ. სინგაპურის კონვენციისა და თანმდევი საკანონმდებლო ცვლილებების განხილვა, რომელიც უზრუნველყოფს სამედიაციო მორიგებების სხვა სახელმწიფოებში ცნობასა და აღსრულებას.

„ჩვენ, აგრეთვე, აქტიურად ვმუშაობთ გადახდისუუნარობის შესახებ ახალი კანონმდებლობის იმპლემენტაციისთვის აუცილებელი სამართლებრივი და ინსტიტუციური მექანიზმების შექმნაზე.

ამ საკითხებზე ჩვენ ჩამოგვიყალიბდა პროფილურ კომიტეტებთან ძალიან კარგი თანამშრომლობის პრაქტიკა და იუსტიციის სამინისტროს მიერ შემუშავებულ „მეწარმეთა შესახებ" საქართველოს კანონისა და აღსრულების ახალი კოდექსის პროექტებს პარლამენტში უკვე ბატონი მიხეილ სარჯველაძე გაუძღვება და მიიყვანს ბოლომდე“, – განაცხადა იუსტიციის მინისტრობის კანდიდატმა.

ავტორი: NS (სტატია დაფინანსებულია),

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო