2021-01-31 13:22:03, 574 ნახვა
მსოფლიო
აქციების დაწყებამდე რუსეთში 500-მდე ადამიანი დააკავეს
რუსეთში სხვადასხვა ქალაქებში დაგეგმილ საპროტესტო აქციებზე, 491 ადამიანი დააკავეს. უმრავლეს ქალაქში, მათ შორის მოსკოვსა და პეტერბურგში საპროტესტო აქცია არ დაწყებულა. OVD ინფოს ინფორმაციით, ყველა დიდი ქალაქის ცენტრი ჩაკეტილია. უსაფრთხოების ზომები მოსკოვში მაქსიმალურადაა გამკაცრებული. დედაქალაქის მერიამ მეტროს 7 სადგური დაკეტა. შეიცვალა საზოგადოებრივი ტრანსპორტის მარშრუტები. დროებით დაიკეტა სახელმწიფო დაწესებულებები და სავაჭრო ობიექტები.
მასშტაბური აქციები ხაბაროვსკში, ვლადივასტოკში, ტომსკში ირკუტსკსა და ციმბირის სხვა ქალაქებში იმართება. ყველაზე ხალხმრავალი აქცია კი ნოვოსიბირსკში ტარდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
