პოლონეთის საკონსტიტუციო სასამართლოს მიერ აბორტის აკრძალვის გადაწყვეტილების გამოქვეყნებისთანავე, ვარშავაში და პოლონეთის სხვა დიდ ქალაქებში ათასობით დემონსტრანტი გამოვიდა ქუჩაში.

ვარშავაში აქციის მონაწილეები საკონსტიტუციო სასამართლოს შენობასთან შეიკრიბნენ და მიმდებარე ქუჩა გადაკეტეს. სამართალდამცველებმა მათ დაშლისკენ მოუწოდეს, ვინაიდან კოვიდ19-ის პანდემიის გამო ქვეყანაში მასობრივი შეკრებები აკრძალულია.

საპროტესტო აქციის ორგანიზატორები და მონაწილეები მთავრობის გადადგომასა და მმართველი პარტიის წევრის, იაროსლავ კაჩინკსის პოლიტიკიდან წასვლას ითხოვენ. 

ცნობისთვის, პოლონეთის ხელისუფლებამ მანამდე გადადო აბორტის აკრძალვის შესახებ გადაწყვეტილების გამოქვეყნება, რომელიც მიღებული იქნა გასული წლის 22 ოქტომბერს. იგი ოთხშაბათს დაიბეჭრა და მასში აღნიშნულია, რომ "ჩასახვის მომენტიდან ადამიანს აქვს სიცოცხლის უფლება", რაც გარანტირებულია პოლონეთის ძირითადი კანონით.

ამჟამად, პოლონეთში აბორტის გაკეთება შესაძლებელია მხოლოდ იმ შემთხვევაში, თუ დიდი და მძიმეა ნაყოფის დაზიანება ან არსებობს განუკურნებელი დაავადება, რომელიც საშიშია დედის სიცოცხლისა და ჯანმრთელობისთვის, აგრეთვე თუ ქალი დაორსულდა გაუპატიურების შედეგად. ისეთი დაავადებები, როგორიცაა დაუნის სინდრომი, მომავალში ბავშვის შეზღუდული შესაძლებლობები, სერიოზული განუკურნებელი დაავადებების ალბათობა არ შეიძლება ჩაითვალოს აბორტის მიზეზად.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ISW: რუსეთის არმიის რეალური წარმატებები უკრაინაში პუტინის მიერ განცხადებულზე ხუთჯერ ნაკლები აღმოჩნდა

საქართველოში რუსულენოვანთა რაოდენობა თითქმის 19%-ით გაიზარდა

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა